是咁的，我嘅職業係幫人瞓覺: 一百三十八、網絡作家
「我好肯定自己出返嚟嘅。」
依個女仔係網絡作家，筆名叫做金庸的男人，估唔到真身係一個女人。
佢對上一次出嘅書叫咩動物傳心師，又係啲有超能力嘅故事，講個主角識同動物講野。
點解佢會無啦啦搵我，事緣佢話構思緊新嘅小說想做資料搜集。
見到我喺網上宣傳自己可以幫人瞓覺，於是就膽粗粗聯絡我搵我訪問，當係取材。
我見幾得意，又好奇作家到底係點樣（至少我身邊無人係做作家啦），所以就答應佢嘅訪問。
出到嚟先發現作家都係人一個啫。
「咁你當時係用咩方法出返嚟？」
「你問夢中夢定係迷宮？兩樣野唔同。」
「你講下夢中夢先啦。」