是咁的，我嘅職業係幫人瞓覺: 一百三十一、發惡夢

我拍一拍自己太陽穴，但無反應。

情況就好似執筆忘字咁，差咁少少野。

差咩呢？

我望向病床上嘅恆媽，覺得依單危險野都係唔接比較穩陣。

正當我想開口拒絕恆仔嘅委託嗰陣，耳鳴又響起，仲喺腦入面由內到外敲擊。





頂⋯⋯原來我發緊夢！我又幫緊人瞓覺？但點解我會唔記得自己入咗嚟？媽啊好亂呀！

咪住⋯⋯我記得近排好似發生咗啲印象好深嘅事⋯⋯

係喇！我發惡夢！就算唔記得自己發緊夢，都未必係喺其他人嘅夢境。

有可能係我自己發緊夢。

「金仔？你⋯⋯係咪有咩憂慮？」





我㩒住頭，咬緊牙關用力諗返自己應有嘅記憶，除咗一種隱約叫我接受委託嘅感覺之外，我咩都記唔起。

「伯母依家嘅狀態，佢回應唔到我，咁訂立唔到契約。」