是咁的，我嘅職業係幫人瞓覺: 八十六、幼稚園
喊聲，雨聲。
年幼嘅阿婷係咁喊，連老師都無佢辦法。外面落緊大雨，不時行雷閃電，嚇到阿婷喊得更加大聲。
好似係黑色暴雨警告，家長陸續提早去幼稚園接啲仔女返屋企。
老師見又有家長嚟到，就送另一個小朋友出去，淨低阿婷同隔離班另一個肥仔。
「你做咩喊呀？」矮得得嘅肥仔行咗埋阿婷身邊。
「嗚哇⋯⋯點解爸爸同媽咪仲唔嚟⋯⋯佢地係咪唔要我喇⋯⋯」
肥仔擔咗張凳仔坐埋阿婷旁邊，啪咔一聲坐爆咗張凳。
阿婷見到，喊下又笑下咁。
肥仔擔多張實淨啲嘅凳坐低：「唔會架，我媽咪都未嚟。我陪你等吖。」