是咁的，我嘅職業係幫人瞓覺: 七十三、落幕

分手之後無耐，阿婷就喺ig公開咗佢同james嘅合照。

直到最後，阿朗都唔知阿婷係咪因為鍾意咗第二個而同佢分手，因為佢無確實嘅證據。

幾個月之後，阿朗又搵阿婷。

被抛棄嗰一方總會唔甘心，尤其係阿朗仲要唔知真正嘅答案，相信佢喺嗰幾個月入面都反覆受咗唔少精神上嘅煎熬。

「Did u cheat on me？」





其實答案唔重要，如果一個人夠傻仔，就算對方答「yes」，佢都唔會承認依個事實。

阿婷回咗句「No」就封鎖咗阿朗。

阿婷同阿朗嘅故事，亦就此落幕。