是咁的，我嘅職業係幫人瞓覺: 七十一、忙

透過阿婷嘅視覺，我見到阿朗一直有觀察阿婷嘅眉頭眼額。

而佢觀察嘅結果，睇嚟只係徒增咗佢心入面嘅恐懼。

無幾耐阿朗終於爆發。

「你話做論文忙，依家忙完啦！交都交埋喇，仲有咩忙喎⋯⋯我以為你無咁忙就會變返以前咁⋯⋯」

天真爛漫嘅純情小處男先會信女人個「忙」字。





依個字嘅潛台詞係：「我唔撚想理你，咪煩我。」

一個人可以忙，但忙完唔會搵你的話，個「忙」字只係廉價好用嘅籍口。

佢地嘈咗交，話要冷靜下。

阿婷轉個頭就出咗去同james食飯，james送佢返屋企，兩個人喺巴士上互相依靠。

手機響起，阿婷無聽，響聲停止。





手機繼續響，佢都係無聽。

鈴聲斷斷續續咁，響到阿婷落車。