是咁的，我嘅職業係幫人瞓覺: 六十八、傻
你問我，明知要死，我會選擇一個無留戀嘅死法。
趁個坑仲未太深及早抽身離開，起碼唔會跌咗入去爬唔返上嚟。
當然，有人會話，愛盡無悔，明知最後會分手都仍然去愛。
其實都錯唔哂，畢竟出現綠帽預感之後，就係你最後一段仲可以愛佢嘅時間。
不過揀咗繼續挖坑點都會傷啲，但只要你唔後悔，就無人有資格對你嘅選擇指指點點。
始終都係最後喇，就算明知徒勞無功，都愛落去。雖然有好傻，但係有啲浪漫。
試問我地又有邊個未傻過？
傻在我地明知會分手，仍然去愛。
傻在我地明知會死，仍然努力生存。
至於阿朗呢，佢選擇咗繼續愛阿婷。