是咁的，我嘅職業係幫人瞓覺: 三十一、俊老師，謝謝你

長布後方，有一堆人企喺度。

「當時我唔知嗰班係咩人，淨係認得你阿媽。」

事關佢仲𢲡住枝籐條。

「但依家我知喇。」

同阿俊交流嘅過程中，我已經誘導咗佢講好多有用嘅資訊我知，從而搞翻清楚所見嘅夢境到底有咩意義。





「咁⋯⋯係咩人？」

「你自己講過啦。」

由細到大，都有唔少人同我講我係適合做老師嘅人才。

老師啦、父母啦、義教過嘅小學生啦、私補學生啦、朋友啦、女朋友等等⋯⋯

黑板後嘅空間閃閃生輝。





我正喺度諗：仆街喇，我好似拆咗佢心房一道牆，點收科⋯⋯

夢中阿俊跨過咗兩個空間嘅界線，人群之中有個小學生走咗出嚟，遞上一張卡。

打開，上面係東歪西倒嘅字，同黑板上個「help」嘅字跡一模一樣。

「俊老師，謝謝你。」