是咁的，我嘅職業係幫人瞓覺: 二十七、當初點解
「原來我個夢入面有咁嘅情景⋯⋯」
佢話經我一講，嗰啲令佢思考暫停，狂標冷汗嘅預感就有翻哂畫面。
「梗係啦，佢本來就喺度，只係你唔察覺啫。」
就好似有雜訊干擾嘅電視機，內容其實一早睇過，只係雜訊同雪花令畫面唔清楚。
即使阿俊做咗幾年TA對過唔同學生，但依種模糊嘅恐懼依舊揮之不去。
「我諗我都係唔適合做老師架喇。其實講真，話就話係夢想，但我一早已經唔記得咗當初點解要做老師。」
好似結婚嗰日，話就話老婆，但一早已經唔記得當初點解會愛上依個人。
阿俊望一望我，好似抱住一線生機咁嘅樣。
「我個夢入面，有無我立志做老師嗰日嘅情景？」