是咁的，我嘅職業係幫人瞓覺: 十四、正苦工

「我喺你嘅夢入面，見到你教緊書。」

阿俊尷尬咁托一托眼鏡，好似打飛機被老豆撞見咁嘅表情。

我環視喺老麥四人枱，上面舖咗一大堆筆記。

阿俊之所以搵我幫佢瞓覺，係因為今日要考CRE，即係公務員考試。

唔瞓覺溫一晚書，依個就係佢搵我嘅原因。

依家係朝早八點，距離佢去考試仲有一段時間。

「雖然只係我多管閒事，但你確定你真係要做政府工呀？」

對本身有其他想做嘅工作嘅人嚟講，政府工其實係名符其實嘅「正苦工」。

已有 0 人追稿