如何回到當時？: chap.1

我梳起長髮、塗上粉色唇膏、穿起那雙高跟鞋和晚裝，鼓起勇氣，拿起羽毛筆，簽下自己大名—張詠恩。
 
現時下午七時，賓客已大部分進埸。燈光調至陰暗，司儀開始講野。
 
那高高瘦瘦的女司儀開口：「歡迎大家𦲷臨Janet 同 Felix 的婚禮，我地就首先睇下一對新人的成長片段。」
 
播出一首耳熟能詳的《你的名字我的姓氏》，兒時和現在的一幕幕映入眼簾，看着那只有十一歲的自己，我記起了那時的無知，亦想起那個＂他＂。我不自覺地抬起頭，不想讓眼涙流下，因為那個＂他＂終歸不屬於我。
 
播完後，女司儀繼續説話：「有請一對新人入場！」
 




那純白裙擺是那麼遙不可及，我的朋友牽著我的朋友進場。簽字儀式完成後，大家終於起筷。在進食期間，女司儀說：「浄係食野，係咪好悶呢？不如我地請新郎新娘上台講野同答我地兄弟姊妹團的問題啦。」賓客都拍手示好。
 
「第一次偶遇的地方係？」
兩個都答到係海旁。
 
「好！幾驚你地答唔到。咁你地認識的原因係？」
我嚇了一嚇，心諗你地千奇唔好咁寫呀............
兩個一齊答咗——張詠恩。
 
燈光落在我身上，新娘說：「中一的時候冇咩朋友，得佢允我玩，仲介紹自己的朋友比我識，估唔到而家竟然成為夫妻，真係多謝曬！」




 
新郎又話：「幾時都話阿恩係我福星。」
 
身為兄弟姊妹團的我真係面都紅曬。
 
婚禮完咗之後，我地成班人一齊去唱K ，Felix 揀咗好多舊歌，仲飲到有D醉，佢仲亂咁講野，一時又話：「我地三個嗰陣幾開心，成日去玩！」
一時又話：「有好多野講，哈...哈...」
 
其實我仲記得我之前有幾鍾意佢，成日允佢講野，不過最後都係冇得同佢一齊。
 




成班人都飲到醉醉地，Janet 仲不停咁吐，整污糟隻手，佢除咗隻結婚戒指，放埋一邊，我見到咁就幫佢洗。
 
之後我就幫佢地叫的士，佢地上咗車之後我先發現Janet 隻戒指仲係我到，心諗：遲下比番佢啦！我貪玩咁將隻戒指載上手，欣賞著D設計。我向前行，突然聽到嗶一聲！砰！我冇囇知覺。
 
我醒番之後，我見到Felix 坐係床邊，呢一刻我真係有D開心。但係最奇怪的係......我見到我自己坐係床邊。
 
發生咩事！冷靜一下先，我而家好似係醫院，Felix 同我自己坐係我床邊？咩情況！
 
醫生同我講：「同學，以後踩單車要小心D啦！你睇下自己塊面，傷口預計唔會有疤，記住唔好濕水同定期洗傷口。」
 
我接過塊鏡，望一望，我...我......竟然唔係張詠恩，我係Janet ！ ！！真係咩情況？