3個月後的女朋友。

一年前知道你叫莉貞，一年之後再認識你。所有事我一直都覺得好奇妙，一年前因為一個朋友之下知你係佢既好朋友，知道你鍾意乜，唔鍾意乜，佢成日話你係一個好有趣既女仔，我一直都好好奇你到底係一個點樣既人。一年之後機緣之下你唸住搵你朋友，但係你搵錯左我，一個奇怪既開始。

當初原全唔知你就係一年前果個人，因為一個奇怪既開始，我開始對你留意。發覺你講野幾好笑幾得意，後尾先知原來你就係一年前果個。但係一直都無搵過你係因為自己無乜膽去識，驚無啦啦識一個人好似好有企圖咁，所以盡量都想比你留意我。去完台灣既幾日咁岩星期一請左假留左係屋企上下網，你無啦啦聊我傾計，果陣傾得好開心。可能覺得你終於留意我，頭一日你傾完過左一陣就無再覆過。以後你唔想同我傾所以無再理我，所以果陣一直改下名做下其他野博你會應番我搵番我，等左幾日你去完旅行番黎有搵番我，其實果陣好開心。之後一直傾一直傾，你一直聽我叫春，聽我講野。係我最唔開心果陣陪我果個你而唔係之前果個女朋友。連續叫左幾日春但係你都一直聽，所以果陣慢慢有好感。有一次飲酒飲到頭暈暈其實我同你講過識到你係我出黎社會咁耐最開心。其實我想同你講既係 係我一世人最開心。好似天上面比個禮物我陪住我。好想同你講對你有好感但係自己好垃圾無講過出黎，我講過我係camp之後先對你好感。對唔住我真係呃左你，其實好耐好耐之前已經鍾意你，過左個camp之後你問過我有無當過你係朋友。你話你好驚我只係純粹應酬你而同你一直傾落去，果陣我好唔想答只係做朋友，只不過果陣你講過我同你無可能。其實我心入面好痛好辛苦，但係見你好想保持住呢個關係。所以無乜所謂，只要你開心就好。

6月尾，我表左白。但係你同我講太痛太辛苦所以想做番朋友，先知道原來你都有意思，只係自己唔知道。一直傻下傻下唸住覺得用時間你會鍾意我，原來等緊既同時都只係帶比你既失望同痛苦，你話你呢一刻實在講唔出應承，話比三個月時間自己。我當時無應承過。因為我好驚時間會沖淡哂所有我同你既野。你同我講過，痛苦一個月同開心三個月好唔同，我一直都記得你講過既野，所以最後應承左。好想用呢三個月去改變，去比番之前個感覺你。到呢家已經過左一段時間，我好無安全感同埋好緊張，你一路都就我一直都去改好多野，我知道。我問過你真係無唔開心真係無野不滿?你一直都話無，覺得好開心，岩岩發左你脾氣，其實果刻就好後悔。好想搵番你。但係自己唔夠膽去搵番去。希望你睇完之後唔好再唔開心。

我應承過你好多野，我好希望自己做到。我唔想你再唔開心唔想你再痛苦，想你一直開開心心同我一齊行落去。

你今日起身同我講你發夢話我已經唔鍾意你，你唔開心左一陣。我好想係呢度同你講。我好鍾意你，唔好亂唸。你對我黎講真係好重要好重要。好多野都想第一個同你講，做D乜第一時間都係唸起你，想同你一齊做。我番黎搵你果陣係咁問你有無唔好開心係咁叫你唔好亂唸，係因為我真係好擔心你，唔想你收收埋埋唔講出黎。我真係好麻煩，乜都好鍾意問幾次先會放心，但係你一直都無覺得我煩。真係好多謝你，因為你 我有安全感。因為你，你帶比我既野好唔同，因為你。會開心同唔開心，都因為你，我知道乜叫真係鍾意，乜叫愛，好多謝你。






未來唔理三個月之後 末來係點都好，我希望未來陪我過所有日子既人，都係你。



今生今世 只想對妳說 謝謝一路有妳陪著我 雖然我什麼都沒有