昨天的我，被前女友禁錮: ＃16 （續）

 「點解要咁樣做？我唔明啊，點解你要幫佢？佢搞你男朋友，點解你仲要幫佢？」

    「你唔係仲以為我真係鍾意Matthew？」

   我戛然止著口。我已經被事件弄亂了思緒，明明越接近真相，卻又越不明白Kate的目的。

   「你仲唔明我點解要幫佢？」

   Kate不自覺地，提高了聲線。



   「因為我同Matthew一樣，我妒忌你啊。」

   你也是？

   「你仲係唔明？你以為我點解要同你扑嘢？Matthew同你生到一模一樣，我去被Matthew扑唔好？你以為我真係鍾意你啊？你諗下，點解我咁鍾意聞你嘅身體？因為我想喺你嘅身上搵Annie嘅味道。」

   「你、你鍾意嘅人係Annie？」

   「你依家先知？唔係啊嘛？」



   接近Annie，把Annie身邊的男人鏟除，透過Annie的手毀掉我，再在Annie心中建立成唯一的依靠。這就是Kate的計劃。

   別開玩笑。

   「你係咪傻㗎？搞咁多嘢就係為咗Annie？」

   「你咁鍾意Annie，我仲以為你會了解我㖭。總之依家嘅佢，已經對男人失去所有嘅信心。而我，都順理成章嘅，同佢一齊住。將來總有一日，我哋會互相了解對方，然後再了解埋對方嘅身體。

   「依家我嘅目標已經達成啦。我今日番嚟，只係執番啲手尾。」



   手尾？她打開房門，把一個氣油膠桶拿進來。她將蓋子打開，然後把氣油撥向周圍，還有我。這時候我才發現Kate手中帶著麻布手套。

   「警察一定會查出來。」

   完全抓不住她的我喘著氣，牙狠狠地說。

   「警察一定不會查。你知唔知呢棟係咩樓？」

   「我Q知啊？」

   「呢棟係危樓，早就被市建局睇中咗，發展商一直都想收購呢度，但係你知啦，總有啲婆婆公公做釘子戶，死都唔肯走。

   「所以，呢度一早就十室九空。你諗下，如果預定要重建嘅地方被人縱火，你估會唔會有警察查？咁梗係唔會啦。 」

   「你白痴啊？我依家被人上哂手扣，一睇就知係謀殺，警察點會唔查？」



   「所以我咪話，要翻嚟執手尾。」

   突然眼前直冒金星，頭殻幾下猛烈的震盪。被士巴拿擊中的我，下巴狠狠的撞到地板，舌頭毫無預警地被咬到，嘴中的疼痛被頭上的暈炫蓋過了。

   接著，我感覺到手腳上的束縛都被解開。

   「就咁樣啦，你哋自便啦。」

   我從半眯的眼睛中，看到Vivian被狠狠踢了一下。接著，近乎劇痛的熱力在身上漫延，我無法自控地擺動著疲弱空虛的身體試圖往前走，卻一下子被在攤在地上的Vivian跘到在地。

   身邊的地板正燃燒著，電箱發著火光，濃煙在房間中繞纏不散。我拍打著被重物擋在外面而無法打開的鋁門，身上的疼痛完全沒有絲毫退卻的跡象。突然，一陣重量壓在身後，使我倒在門前。

     無力要站起來的我，任由在我身上爬行的Vivian親著我的臉，大概是想把我臉上的血和星火舔走。然後，她又隔著火焰抱著我的頭，毫不費力的。舌頭想伸進我的嘴，但是被我猛力緊咬著的牙齒擋著。她呆了半晌，半閉的眼睛又熱切地望向我，「我愛你。」就這樣，火包圍著我們；而她卻完全沒有打算離開我的模樣，用盡自身可能發到的力氣，把我抱在懷中。



 〔完〕