昨天的我，被前女友禁錮: ＃15 （續）

「點解要禁錮佢？正常嚟講，唔係禁錮我先係最好咩？」

     「你仲唔明，」

   Kate又搖頭。 

  「因為你當時啱啱同Annie分手。對你嚟講，要放棄Annie根本就唔可能。但係Matthew唔同，佢基本上無鍾意過任何人。」她望了我一眼，「包括我。」 

  「點、點會？佢雖然間唔中有幾個SP，但係佢同你一齊係最耐。」



   「一齊好耐唔代表互相鍾意，只係目前搵唔到一個更好嘅人去replace啫。」

   「咁樣，點解你哋要揀Matthew？」

   「你應該好清楚，」她用下巴向我示意，「因為你同Matthew好似樣。對Vivian嚟講，佢係好好嘅調教工具。無人比佢更適合去調教。」

   「調教成咩？」

   嘴上是這樣問道，其實答案一早就了然於胸。



   「調教成似你一樣。」

   一點也沒有猜錯。
 
  「我為咗令到Vivian更投入，我仲將佢打扮到同你一樣，又教咗Vivian好多佢唔知道嘅嘢，例如習慣，愛好，性癖⋯⋯

   「但係Matthew一啲都唔合作，佢甚至絕食。」Kate頓了一頓，「你知唔知道點解？」 

   我搖頭。我已經不想猜了。或者應該說，我不想把答案宣之於口。



   「因為佢寧願死，唔想變成你。」

   房內的空氣，因為沒人開腔而變的沉重。

   「我的確唔係好哥哥。」

   十年來幾乎沒有和他交談；也沒有真正的了解他、關心他；還為了大哥的面子，和自己弟弟的女人偷情。

   「我並唔係咁嘅意思。」

   我實在討厭看到這種情境，但是Kate又再一次搖頭。

   「你以為佢憎係因為你唔好咩？」

   Kate的眼睛，狹成了一條縫。



   「啱啱相反。因為佢妒忌你。」

   而投向Kate目光的我，眼睛從剛剛開始就沒有眨過，一直乾瞪著。

   「佢覺得你咩都比佢好，你唔需要依賴人都可以擁有自己，你可以鍾意自己鍾意嘅女仔。而佢，就只可以同人哋覺得兀配嘅女仔一齊。」

   「點、點會啊？」

   「所以佢先唔想變成你，因為最想變成你嘅人，就係Matthew。而當佢接受咗呢件事嘅話，佢就輸咗。」

   Matthew會妒忌我？一直是群體中心、擁有比我更豐富的生活的Matthew、被我當成羨慕對象的Matthew⋯⋯

   妒忌我？



   「你啊，真係好唔了解你細佬。」

   我越來越不明白。