昨天的我，被前女友禁錮: 日記 10月7日 晴

  今天的電影約會取消了。 

  不過，我還是和Kate 見了面。 
  
  臨時取消的原因很簡單：我們有Matthew的消息。正確來說，應該說Kate有Matthew的消息。不過，我從Kate的消息裡面口見到一個難以置信卻又熟悉的人名。  

「你對呢個女人有冇印象？」Kate約我到上次見面的咖啡廳裡，她手中拿著一張相片。相片是對一個女人的偷拍。矮小瘦弱的身形，還有乾巴巴得可怕的臉容，眼袋大得幾乎像老人一樣。 

  「我搵咗私家偵探跟進，到咗你之前講過嘅嗰間酒吧調查。Bartender話當時Matthew係同呢個女人傾計，後尾佢醉咗，於是嗰個女人就同他走咗。」 



  那女人的臉上掛著和她身上散發的寒酸完全不配的幸福笑臉。相片當然是靜止的，但是我彷彿像是親眼看到她蹦蹦跳跳地雀躍跳舞。

  「⋯⋯Annie？」

  Kate叫著我的名字，我如夢初醒般看向Kate，「冇嘢、我喺度諗緊嘢啫。」

  「你臉色好差啊。」Kate一臉擔心的盯著我的臉頰，「咁樣講，唔通你識呢個女人？」  

  「是啊，她叫Vivian。」我深深吸了口氣，「係阿Tom嘅出軌對象。」



  Kate呆呆看著我，「對唔住。」她別開臉去，「我唔知道係咁。」

  「都唔關你事，你都無錯。錯嗰個只係我。」

  「不過，阿Tom啲品味都好差，點解出軌會搵啲咁嘅女人⋯⋯Sorry，我唔係有心。」

  Kate和我道歉，應該是因為看到我在哭。她用紙巾小心地幫我抹走眼淚，有溫柔的哄著我。我很快就沒再哭，不是因為不傷心，而是一想到自己被Matthew的女朋友安慰，結果又被羞恥心堵著了情緒。

  「其實我唔係好想講落去，不過我覺得你有知情權。」 



  我不明白為甚麼Kate會這樣說，不過她很快就把真相揭露出來。 

  「點解偵探會搵到Vivian，係因為當時仲有一個人扶走咗Matthew，而且Bartander認得佢。」

  「唔通⋯⋯」

  「冇錯，就係阿Tom。」 

  「阿Tom同Vivian一齊帶走咗Matthew？點解要咁樣做？點解Matthew又會識Vivian？」當時的我滿腦子也是疑惑，我已經忘記了怎樣走出咖啡廳，只是記得Kate說過會繼續找私家偵探查，如果真的有問題就會報警。 

  寫到這裡，已經是凌晨兩點，兩個星期的假期早就已經結束了，但是我完全沒有上班的打算，不，我連離開房間的欲望也沒有，好像世界正背著我做著暗事。 

  好恐怖。