[校園] 都市傳聞-宿舍發生過的那些事: 序

「唔好再迫喇，好無？」

我罕有地在公眾場合按捺不住自己的脾氣，看來我也慢慢改變了呢....

「你係咁推埋黎都無用架，我有位就一早讓左比你啦！」

「搭地鐵係咁架啦，咁叻揸車返工吖笨」

這不是黃子華棟篤笑的對白嗎？我看著這位大叔用這句話回應我，突然間不知該怎反應，不料，此時卻另有人替我說話。





「唔好意思，我朋友燥左啲，我地落車架喇。」

當我正在想誰自把自為地代我道歉時，才發現身邊這個眼晴玲瓏的白皙女孩，正是我以前的宿友，雀屎。

「喂，阿柑你小心比人拍片，我地落車先。」

甚麼？我還未回過神來，就已經被人拉下車，站在一個陌生的鐵路站月台上，看一下，我還有三個站才到九龍灣站上班。

「做咩呀？雀屎姐我本來都就遲到喇，搞咩呀？」





「難得咁我都見到你，今日打返去射波啦，我地去睇戲、唱k、打牌吖，今日見到你，我突然間好想重溫下以前住宿既時間呀」

我看著這個連珠爆發的瘋婦，再沉思片刻段，就決定拿起電話，向彷彿每天都受月事影響的女上司請病假。電話筒一邊傳來陣陣的破口大罵聲的同時，我嘴角卻不期然上揚。

「阿柑，你咁著好柒呀，都係以前著soc tee好睇啲。」

對啊，這小妮子以前不是天天黏著我，說我有型有款的嗎？怎麼以前美好的片段我都好像忘記了似的？

「我記得你以前唔著靚啲喎。」





「頂你呀！」

看來我要把它們一一紀錄下來。