［新手］這是一個死心的故事: 第二章

F.4 既時候，岩岩當上學生會既我遇上係 joint school camp 識既佢

我哋兩個都係 OC

可能有人會問點解中學就可以搞 joint school camp

今時今日係香港仲可以有間俾學生全權搞活動既中學真係好難得

其實主要原因係因為我哋有個 TA 幫我哋擋住咗好多壓力





多謝你，十 sir，我唔係一個聰明既學生，但至少我識感恩

不過老老實實，其實有搞過 joint school 既巴絲都會知道一切主要都係為左溝女

利申返，當時我既中學係一間和尚寺，所以個 joint school camp 至可以搞左 30
幾 40 屆

試諗下，你估你女朋友會唔會俾你去同成班女訓係間二人房過四日三夜？

和尚寺既好處就係搞任何活動，只要話有女，就一定會超額認購，長做長有





其實有時諗返起都覺得有機會俾我入到 e 間學校，做到 su，仲可以搞到
camp，識到佢，成件事真係好神奇

但神奇唔代表係幸運

我始終都分唔清同你既相遇係我既幸運定不幸

只知道，我會記住一切我同你之間既事





因為

我哋都說好了

如果你唔記得，你可以問返我

你要忘記既往事就交俾我為你記住

不要緊，這是我唯一守到既諾言