嗰日放學，女神同吾顯眼嘅我表白【愛情】【校園】【武俠】: 第四十七頁：在醫院的大家－結局編

諗住出去花園行下，發現思瑜坐係前面張長凳。我行去佢隔離「思瑜！」思瑜：「呀聰 你啲傷見點呀」「無事啦 循例入下嚟啫～」思瑜撳住我手臂：「係咩」「痛！！！」

「做咩坐喺度嘅？過嚟睇我呀～」思瑜：「吾係」「咁唔通係啓文？」思瑜：「唔關事」「其實你對啓文同呀常係點嘅啫～」

思瑜：「其實我一直中意呀常」唔出奇呀，你哋係青梅竹馬喎。思瑜：「我有嘗試表示過 但佢好似一直都係用朋友角度同我相處 耐咗我就想放棄」「所以你就去中意啓文嚟轉移自己視線」

思瑜點頭默認。「兩個真係...八七加八七」思瑜拍我個頭：「講咩呀你」「其實佢都鍾意你」思瑜有啲驚訝：「嚇！」「佢之前仲因為咁嚟同我地講心事」

思瑜：「但佢點解冇點表示過...」「咪你囉 話咩做朋友太耐 唔知點一齊 咁之後梗係放棄表示啦」思瑜：「我真係唔知點吖嘛...」





「快啲上去啦」思瑜：「我...咁突然...」我捉住佢「行啦」上到去我趕走晒其他女仔， 示意門口嘅思瑜入嚟「你哋慢慢講 我走啦」

入到去自己個病房，琳琳喺出面食完飯返咗嚟。「喂～有無掛住我～」琳琳：「無呀！」「我諗你真係攰啦」琳琳：「點解？」「你係我個腦度跑左咁耐」琳琳笑咗：「Er...」「得 唔好笑吖嘛 唔好勉強...」琳琳攬住我：「講笑喳～」佢整到我啲傷，雖然好痛...忍住...

琳琳每日幫我按摩，放返鬆啲肌肉。其實咁都唔錯啊～琳琳扶住我去校長佢哋間房。「校長你哋見點呀～」校長：「阿常尋日開始 幫我地逐個療傷 宜家好咗好多啦」阿常幫緊志康叔叔療傷

校長：「雖然九陰真經嘅療傷方法好有效 但同時需要好多時間 咁你呢？」「我冇事呀～話說當時我同二老闆打嗰陣 佢好似弱咗好多」校長：「老婆 你嘅功勞呀～」

䁱彤姨姨：「我用三節棍打斷晒佢啲肋骨 所以佢郁起上嚟都慢咗」校長：「我同志康同靖嵐用盡所有內力傷返晒佢啲內力」





「但都仲係好勁...如果唔係一真...話說先薛海呢？」呢個時候大家都沉默咗。校長：「我地趁機會帶走埋佢屍體去營地 一真嚟咗 我叫佢將薛海條屍帶返去薛海屋企 被返佢家人」

「都係為咗救我...」

待續