嗰日放學，女神同吾顯眼嘅我表白【愛情】【校園】【武俠】: 第三十七頁：三天的師徒緣－少林編

今日會喺食完lunch之後再出發，所以係出發之前仲有一堂，佢哋係出面學拳，我係入面學埋易筋經第四層。

佢哋就快溶哂咁樣入嚟
啓文：「好攰...」呀常：「好熱......」食咗兩啖飯之後，好似有啲頂住個胃，呢一啖飯落去嘅時候，啃親......「嗄...嗄...」

琳琳：「你啃親呀！？」即刻放低對筷子走去我背後拍我背脊再用力一攬。「啊！」吐咗兩粒橢圓形咁嘅冰，仲有氣體散出......

校長由佢張枱行過嚟：「睇嚟你體內嘅寒毒排左一部份」「咁仲有幾多...」校長：「呢個真係唔知啦 要視乎佢打咗幾多內力入去」

食完lunch坐車出發




正當架車行咗十幾米嘅時候，後方傳來幾聲：「Boo !!」學院冇事發生。教練：「學院有事發生！你們先去安全的地方暫避」講完就落咗車跑去學院。

我哋去另一間少林武術學院－《少林寺武術學院》。呢度嘅氣氛都好嚴肅，好多個弟子都拎晒兵器去準備戰鬥。

《少林武術學院》校長：「傳統少林武術學院那裏被人襲擊 我們準備派人去支援 你們先在這裏」瑩瑩：「教練會唔會有事㗎...」校長：「我都答你唔到...」

吾得！都係要返去睇吓！我跑返去《傳統武術學院》。嗰度已經炸到變成廢墟咁嘅地方。有啲黑衣人喺度巡邏，我匿係個瓦礫後面。

拎起舊石拋去前面引起其中一個黑衣人注意，佢行埋嚟，我拎出倚天劍一斬，佢個頭落咗黎，我換咗佢套衫，好彩佢哋套衫係包埋個頭，淨係露對眼。





有啲學員已經瞓哂喺度，有啲死仲好慘。手手腳腳炸開晒。到底教練喺邊. . . . . .

係啦，可能喺嗰度！
我走咗去平時練易筋經間房。教練嘔晒血瞓咗喺度，即刻走過去「教練 你點啊」教練好虛弱咁講：「你...怎麼...又回來了...」

「教練...你唔好講野住 我帶你走」教練：「不用了 已經活不了啦...唯一的遺憾就是不能親自傳授你全部的易筋經來治好你」

「教練 我想做你的徒弟...」教練：「你想拜我為師嗎？」「是的...」教練：「好～今天開始你就是我的徒弟...」「師父...」教練將佢抱住嘅袋俾我：「裏面的易筋經的秘笈 你...拿...去吧...」講完就瞌埋眼...

我同佢叩左三個頭「師父...我一定會為你報仇！」





有個黑衣人入咗嚟：「喂 你喺度做咩！」

待續