嗰日放學，女神同吾顯眼嘅我表白【愛情】【校園】【武俠】: 第三十四頁：聖誕先上少林－少林編

校長：「最大問題係 佢會不定期發作 非常辛苦...耐咗...仲可能會死」琳琳：「咁點算呀！」突然身體入面所有內臟好似結冰咁「啊！」校長又再同我輸力 ：「哈！」

勉強暫時好似緩和左少少。「有冇方法可以醫番好我」校長：「唔...有啦！」琳琳：「係咩呀！」校長：「易筋經！」琳琳：「咁就好啦 起碼有得救」校長：「不過一定要係上去少林學嘅先有用...」

琳琳：「嚇...」校長：「天日就即刻去啦！」「真係咁急？」校長：「遲多少少都可能冇命！」琳琳：「聰聰 同你一齊去」

校長最後搵埋。啓文丶呀常丶瑩瑩丶楚思呢啲同我有關嘅人一齊去。話驚我寂寞喎。費用校長包哂。

夜晚
家姐：「執好晒嘢未 聽朝就要出發啦」琳琳：「我同佢搞掂晒啦」家姐：「又要人哋同你執」琳琳：「算啦 佢而家咁辛苦」





瑩瑩：「家姐 你真係要自己喺屋企？」家姐：「我要返工吖嘛」家姐依家係半工讀。

家姐：「呀B 上到去要識照顧自己呀」瑩瑩：「呀哥照顧吾到自己都有琳琳姐姐吖～」「我就生死關頭 你哋好似去旅行咁...」瑩瑩：「邊有呀 我不知幾擔心你」

家姐：「好啦 搞掂晒快啲瞓」

第一日三點
我哋全部喺大圍等。齊人之後一齊到羅湖過關，去到火車站。上到車，一個車廂有四五間房，一間房有六張床，我哋啱啱好六個人一間房，校長就係後面嗰間房。





校長：「我哋會聽日先到 大家盡量唔好騷擾到其他乘客」大家：「知道」

瞓咗一兩個鐘，係個夢入面，我突然處於一個冰山，然後我失足跌咗落海，好凍...越嚟越凍...凍醒咗...「好凍呀...」琳琳：「啲毒發作呀...」「好似係...」車廂開緊暖氣，但我完全吾覺得暖

琳琳拎咗佢塊被披係我身上：「有冇好啲...」「仲係好凍...」琳琳表情擔心：「仲好凍呀...」之後就落咗佢張床，爬上我張床攬住我。慢慢入睡翻...

待續