嗰日放學，女神同吾顯眼嘅我表白【愛情】【校園】【武俠】: 第二十六頁：家姐我搞得掂－年幼編

［whatsapp－對象］
對象：「其實我只係當你普通朋友 啲錢我會盡快還返俾你」
「咩事？」
對象：「無事」
「到底咩事？」
對象：「你去問你家姐」
「佢講過啲咩...」
對象：「自己問」

我當時非常嬲「喂！ 同佢講嗰啲乜嘢嚟」家姐：「我同佢講 叫佢同你講清楚 佢當你係兵 當你係提款機咋 細佬」





「關你咩事啫！ 你唔好咁多事得唔得呀 我嘅事唔使你理！」

家姐聽到之後隻眼紅晒，喊咗出嚟。呀妹攬住家姐：「阿哥你做乜嘢啊 家姐為你好咋」呀妹拎紙巾比家姐：「我哋入房 唔好理個衰人」

之後我冷靜思考過，我根本係俾人當傻仔咁玩，家姐唔想我咁，家姐只係想我搵到個好嘅女仔，搵到自己幸福，所以先會咁做......

第二日
「家姐...對唔住 成日要你咁擔心 我知錯喇」家姐：「傻仔嚟嘅 家姐都冇嬲過你」之後我再冇逆過家姐，佢講咩我做咩。





我之後先知道點解家姐咁靚，但係都冇拍拖。原來家姐唔拍拖嘅原因，就係因為驚拍拖之後會冇時間照顧我哋。所以放棄左幸福。

但估吾到，我為咗拍拖竟然搞到家姐喊......

家姐被錢我去用丶被錢阿妹去學跳舞。反而我有時見到佢成日拎住張鋼琴海報若有所思咁望，每次同佢講話如果有興趣不如去參加，佢都答我哋冇興趣......

原因好簡單，留錢俾我哋用......

每逢到我同瑩瑩嘅生日，家姐一定會慶祝，反而係家姐嘅生日，佢都冇點樣在意......





家姐嘅口頭禪就係：「家姐搞得掂......」
.
.
.
琳琳：「家姐真係好好」「嗯」琳琳：「你呀 咁對家姐 對佢好啲呀」「知道知道」

琳琳：「咪住 你頭先話係公園救咗個女仔？」「係呀～」琳琳：「嗰個咪我囉」「嚇！？」琳琳：「我之前就話咗我哋一早就識㗎啦」

繼續