嗰日放學，女神同吾顯眼嘅我表白【愛情】【校園】【武俠】: 第二十二頁：口水雞十周年－師徒編

「食吾食口水雞」啓文：「今日星期二 OK～」所以今日同啓文同琳琳去咗「川味雞烤魚大王」。

「呀姨 有冇位～」其實未試過喺正店食，因為每次去親都無位，所以去到隔離嘅分店。呀姨：「今日有吖～」竟然係咁，今次真係第一次。

呀姨：「執晒啲野先下～」呀姨左右手一發，啲碟全部已經飛晒入去對面嘅廚房「嘩 呀姨 你玩魔術吖？」呀姨：「我哋老闆創左一啲飲食界嘅武功 我哋呢啲員工仔咪學番一兩招囉～嗰下叫挪移掌」

客人A:「唔該 走骨呀」廚師：「收到～」廚師右手背係隻雞上面轉左一個圈，用手掌一撳，啲骨已經碎成灰。啓文：「呢招又咩嚟」呀姨：「你話阿威？佢嗰下叫碎骨掌」

啓文：「全部都係老闆創㗎？」呀姨：「係呀～廚師嚟講 得阿威先識用老闆啲功夫煮」怪唔得雙數日特別好食...





一個叔叔入咗嚟。呀姨：「老闆 返咗嚟呀～」老闆：「係呀～阿威 我嚟啊～」老闆煮起上嚟搞到龍飛鳳舞，味道更加正

呀姨：「呢個我哋熟客仔嚟㗎～成日都嚟嘅～」老闆：「係呀 咁今日打個五折俾你～」啓文：「咁正？」

呀姨：「二老闆翻唔翻嚟？」老闆：「佢應該唔翻啦...」另一個叔叔入咗嚟：「傻嘅 開張十周年點會唔番呀 呀Sam哥」老闆：「以為你唔返添」

琳琳：「原來今日係十周年」「關我哋鬼事咩 食完咪又係要返去上堂」琳琳：「唉～咪咁掃興啦～」

客人 ：「埋單 唔該～」呀姨行去櫃檯：「嚟嚟嚟～」二老闆單手一掃，枱上嘅碟全部飛晒入廚房，快到睇唔到





老闆手掌向住牛肉：「剛陽掌」木板上嘅牛肉由生開始變熟。琳琳：「好犀利呀」

老闆：「見你哋係熟客 講個故仔比你哋聽」琳琳：「好呀～」老闆：「細個嘅時候我成日俾人蝦 有一日遇到一對情侶 其中一個男仔 佢教咗我一套降龍掌 我就係靠呢套嘢 創你哋頭先見到嗰啲嘢出嚟 但佢只係教左我一日」

啓文：「一套就咁犀利！？」老闆：「咁係嗰位師父教得好啫 但係我都再冇見過佢」琳琳：「原來係咁 咁真係可惜」老闆：「吖 我叫宋俊銘 記住以後要繼續多啲幫襯～」 Sam sung(宋) ！？

待續