嗰日放學，女神同吾顯眼嘅我表白【愛情】【校園】【武俠】: 第十八頁：途中入學生會－內閣編

入到校長室「校長 又搵我飲茶呀？」校長：「今次真係大濟...」「嗯？」校長：「原本個學生會會長因為太過極權 令到其他成員都出家長信強制退出 所以我哋罷免左佢 而家學校無學生會...」「先開學兩個月喳喎」

校長：「咁咪係囉...我哋今年一月仲要30周年校慶 點可以冇學生會...」「校長你叫我唔通係...」校長：「我想你即時成立一個學生會」

「唔係吖嘛...」校長：「你當幫下我啦」「睇在你嘅份上...」校長：「多謝晒你吖 下星期一俾名單我」「好呀」
—————————————
名單：
1. 會長：
2. 副會長：
3. 文書：




4. 財政：
5. 總務：
6. 宣傳及推廣總幹事：
7. 福利總幹事：
8. 服務總幹事：
9. 活動總幹事：
10.體育總幹事：
—————————————
啓文：「嚇 學生會」「係呀 幫幫手啦」啓文：「唔係啩...」「係呀」啓文：「唔係好想做喎...」「人一世物一世咩都玩下啦 兄弟叫到」啓文：「唉 好啦」－第一個





盈之：「學生會？」琳琳：「係呀～」盈之：「呀聰都係？」「唔...唔...」盈之：「既然琳琳你叫到 好啦」－第二個

嘉琪：「吾啦...我想拎多啲時間去溫書」琳琳：「哎也～去啦～」嘉琪：「吾啦」啓文行到過嚟：「參加啦 我哋人手唔夠呀～」嘉琪：「啓...文 好呀 係因為琳琳你叫到㗎喳」

三大女神到齊啦，搵埋呀妹同巴楂妹(楚詩)。仲有思瑜。仲有一個思瑜個青梅竹馬－黃常。雖然係男神樣但係冇自信嘅書蟲。夠用㗎啦
—————————————
名單：
1. 會長：黃啓文
2. 副會長：令狐聰
3. 文書：黃常




4. 財政：陳曉琳
5. 總務：葉楚詩
6. 宣傳及推廣總幹事：
7. 福利總幹事：劉思瑜
8. 服務總幹事：令狐瑩
9. 活動總幹事：周嘉琪
10.體育總幹事：羅盈之
—————————————
校長：「咁快嘅 一日楂喎」「梗係啦 我女朋友出到手」校長：「咁即係歸功於佢啦喎」「梗係要歸功於我啦 無我佢點會幫手」校長：「咁都係要歸功於佢呀～」「歸功於我先啱～」校長：「你真係要做龜公？」又比你伏咗......

我哋學生會嘅名叫zero,冇咩意思 純粹係想話從零開始

待續