嗰日放學，女神同吾顯眼嘅我表白【愛情】【校園】【武俠】: 第十二頁：陸運會決賽日－日常編

同琳琳已經一齊咗一個月，依家已經係十月～

今日係陸運會第二日，吾知點解...我個妹丶我個兄弟丶我女朋友同我都係藍社。家姐以前係紅社，不過已經畢咗業。

我地幾個坐埋一齊。大會：「大會宣佈 男子甲組二百米決賽 最後召集」「啓文 行啦」啓文：「拎咗釘鞋未」「唔使啦 着咗衰過冇着」啓文：「你中意囉～」

［200米］
「on your mark」「set」你快啲啦...「go！」因為係200米，都唔算長，一口氣爆上去......輸咗俾啓文，拎銀...全程聽到琳琳叫加油～辛苦你啦...

［推鉛球］




獨孤九劍我淨係學過招式...內功心法完全冇練過...冇半點內力可言...所以同正常人一樣...最後都拎到個銀...

放lunch食完飯返嚟就到班際接力
本來我只係後備，點知其中一個拗柴...由我頂上...而琳琳都要跑，但我發現佢面色唔係好對路...

「你無事吖嘛？面色咁嘅？」琳琳：「無...無事...」「唔得不如搵另一個人頂上呀」琳琳：「都無人肯 佢哋要我去」班撚樣......

我同琳琳都係第一棒
「on your mark」「set」「go！」我領先緊其餘四班





跑跑下突然聽到「僕！」一聲，擰轉頭一望，琳琳跌低咗，諗都冇諗即刻返去「喂 你點呀！」琳琳：「我隻腳好痛......」琳琳同班同學：「做乜嘢呀！跑埋先好跌啦／頂輸咗啦/唉」我向觀眾席揼咗支棒「屌！無撚嘢呀！有冇人性㗎你地！」

第二棒嘅啓文跑埋過嚟：「佢點呀」「佢隻腳傷咗」佢隻腳腕成個紫色加腫咗。我揹起琳琳跑去醫療室

［敷𣲙中］
「係咪好痛？」琳琳：「如果郁嘅話就會好痛...」「一陣同你睇醫生」琳琳：「嗯......」放咗學之後，我揹住琳琳搭的士去醫院

琳琳：「不如你放我落啦 你比賽咗成日都攰啦」「傻嘅 我吾攰呀」只係冇哂力又好眼瞓...我辛苦小小有咩所謂～

因為我始終吾放心，之後幾日我一到早上就去琳琳屋企，到夜晚佢瞓我先走...





待續