嗰日放學，女神同吾顯眼嘅我表白【愛情】【校園】【武俠】: 第十頁：嘉暉贈倚天劍－訓導編

「老師們 你哋知唔知咩叫正當防衛？睇你哋讀咁多書都係未聽過 你夠膽講你地父母或者屋企人俾人打緊 打到有生命危險啦 你吾上前阻止嘅 我咪同你道歉囉」

其他老師沉默咗。訓導：「但係你喺學校公然有親密行為喎」校長：「唉 早就話過學校冇唔俾拍拖呢個規則 呢個係人權 兩位你哋冇事啦可以上返去」

校長：「男同學 放學嚟校長室搵一搵我～」「好呀」就係咁我哋離開咗訓導室。琳琳：「頭先嚇死我啦 我咁大個女都未入過黎訓導室㗎...」「唔使驚佢哋㗎～」

呢個校長我尊敬佢嘅原因，佢唔同一般老師，一般老師對成績好嘅學生愛護有加，成績好嘅學生犯錯就聖人都有錯，甚至幫埋佢哋搵藉口；成績差呢就罪無可赦，甚至幫你加多幾條罪。

校長佢屋企家傳武當，經常會約啲心術端正嘅學生出去同佢練武術，話等佢哋可以自保喎，完咗之後仲會請佢哋食飯～





出面一個月都收六百幾至一千，校長直情唔收錢免費教，係好多屋企冇咩錢又想學武術嘅學生嘅福氣

放學之後去到校長室，琳琳喺出面等我
「校長」校長：「你叫咩名？」「令狐聰」「唔 姓令狐 我睇得出你應該有學過武」「係 係我屋企祖先留低㗎 所以出面應該無呢個門派」校長：「哦～咁係叫咩名？」「獨孤九劍」校長：「廿年前嘅時候 有個中五學生曾經用「破氣勢」幫我破左一個壞人嘅鐵布衫 等我哋打贏左佢」

破氣勢！？冇理由係阿爺，咁即係...「我估佢應該係我阿爸......咁唔知校長你今次叫我嚟係...」校長：「你夠膽反抗一啲唔啱嘅嘢 我覺得你同其他學生唔同 而且你又學過劍 我想送樣嘢比你」

「係咩？」校長：「以前我老婆個細佬曾經俾咗把大劍我 我交俾設計科老師將佢再分成兩把兵器 一把劍一把刀 我送把劍俾你」之後就拎出一條手鏈

「真係㗎？」校長：「係呀 好好保存啊 好珍貴㗎 用咗玄鐵同汎合金整出嚟」「咪好寶貴 你真係俾我？」校長：「係呀」接過手鏈「多謝你」之後帶係左手





出返去
「等左好耐呀」琳琳拖起我隻手：「一陣啫嘛～行咯～」

待續