《純愛》平安夜的天使 (完): 第八十九章

第八十九章

「妳無跑點解都可以食咁多嘢⋯」

跑完步之後，我哋去咗附近某間茶餐廳食早餐，枱上有大約六樣嘢食，兩杯嘢飲⋯四分三係曉桐嘅⋯油炸鬼、腸粉、通粉⋯而我就淨係得碗白粥⋯

我：「阿曉桐小姐⋯你唔驚肥㗎咩？」

Lavina：「咩啫～咁我餓吖嘛～」



我：「係，但⋯嗌咁多嘢，妳肯定食得晒？」

Lavina：「放心，食唔晒我會比你～」咁我做運動黎做咩呀⋯
「係黎加強你體能嘅～同體重無關～」真係呀，又讀我心⋯不過，我好開心讀嗰個，係妳⋯

返到Cafe，正當大家都準備set場嘅時候⋯

倫：「阿遊，你係咪真係去㗎？」倫已經係第四次問我，我知佢好擔心，但都唔洗咁呀⋯

我：「係呀，麻鬼煩！做咩呀？」



Lavina：「去邊呀？我又去～」大鑊！俾曉桐聽到添⋯仲未同佢講⋯

我馬上用手勢示意阿倫去一去櫃臺嗰邊，俾我同曉桐解釋⋯

倫：「喔！老婆叫我！等間再傾⋯」阿倫走咗之後，得返我哋兩個⋯

我：「曉桐呀⋯下個月係Kelsey嘅⋯生忌⋯」曉桐聽到呢到開始面有難色，好似唔多開心咁，但佢即刻換返一個笑容

Lavina：「係呀⋯我明喇⋯」佢講完便返埋位做嘢



我：「曉⋯」呢刻嘅佢心情睇黎好唔開心，現加我都唔太敢去問佢⋯

—————————————————————

「佢會唔會因為Kelsey而唔同我一齊呀？」

「唔會嘅唔會嘅⋯」

「唔係喎，之前Kelsey嘅媽咪搵佢做咩呢？唔通係因為佢，阿遊先會想同我一齊？」

「阿遊⋯你係咪仲好愛佢呀？」

—————————————————————





「呢刻嘅你，係深陷喺過往遺憾之中，定係定睛於對未來嘅渴望？」