《純愛》平安夜的天使 (完): 第八十一章

第八十一章

「估唔到你打波又唔差喎～」

「係妳矮啫～我都真係無打波好耐啦～」

打咗大約十五分鐘波之後，我哋坐咗喺側邊棵大樹下面，因為先十二點幾一點，太陽大到我同曉桐都滿頭大汗⋯好熱⋯

我：「妳坐陣先，我去小食部買嘢飲，妳等一等⋯」





Lavina：「好呀～」

—————————————————

望住阿遊嘅背影逐漸遠去，我諗，我都係時候返去，返去我哋緣起嘅地方⋯

「阿遊，你要搵到我呀⋯」

—————————————————





行到小食部，我幫曉桐同自己買咗枝茶字典，我都好耐無飲呢枝嘢，如果唔係入面有賣，我都以為已經成為過去，咁就趁呢個機會好好同曉桐回味一下以前，我分享我嘅過去，佢亦都分享佢嘅⋯

我：「喂～買咗喇～妳⋯」我返到棵樹嗰到，但曉桐唔係到⋯
「可能去咗廁所啫，等一等⋯」

過咗十分鐘

「女仔去搵廁所同用廁所都要啲時間嘅⋯等多陣⋯」我雖然係咁同自己講，但係都掩蓋唔到心入面嘅燥動不安，好驚佢係咪又出咗事⋯

過咗十五分鐘





「妳去咗邊呀？」我發咗個訊息俾佢，但等咗好耐都只係得兩個灰剔⋯佢並無睇到⋯

過咗二十分鐘

「喂，唔好玩啦傻婆！」我再咗發咗多個訊息俾佢，卻即刻有兩個藍剔，啫係已讀⋯
「妳去咗邊呀？我好擔心妳呀！」

「You know where to find me」佢講完之後就無再上線⋯

「妳講咩呀？」呢句發咗出去，但就得一個灰剔，佢可能已經熄咗數據，我嘗試打電話比佢⋯

「你所打嘅電話暫時未能接通，請⋯」佢熄埋電話⋯

佢究竟想點？既然唔係有危險，即係所有嘢都係佢一早計劃好嘅⋯咁佢係咪想我發現啲咩？佢頭先話我會知道佢喺邊，咁即係⋯





我馬上起身去佢去過嘅地方，音樂室、圖書館但都唔見佢⋯唔通⋯係嗰到？嗰到係我哋一切嘅起源，如果我無遇到妳，一切都唔會發生。



「人嘅生命短促而有限，但係我哋仍然可以選擇要活得豐盛，定係苟且生存。今日，我返去我哋最初嘅起點，就係要俾一個機會自己，重新開始。」