《純愛》平安夜的天使 (完): 第七十九章

第七十九章

「行快啲啦！」

「知啦⋯」

落咗架小巴之後，仲要行一段斜坡，以前就有校巴返學啫，現加就⋯行到成隻狗咁⋯攰到就黎瞓喺條街到⋯

Lavina：「到喇～」望到嗰塊寫住「恩慧小學」嘅銹銅色門牌，我就開始諗：歲月不留人。當年我連頭都無回就離開咗呢間學校，現加諗返起⋯我好後悔⋯





我：「終於到喇⋯俾我唞個五分鐘先唔該，就死喇⋯」

Lavina：「真係呀⋯你同以前一模一樣呀，都係咁懶唔做運動⋯」呢點佢無講錯，我以前小學嘅時候大部分時候一放學就返屋企瞓覺⋯夜晚就起身玩NDS，真係一級「夜貓」

我：「乜妳咁留意我㗎咩？😏」我以前嘅存在感其實好低，生得高但卻唔運動，同埋我又喺大陸返黎，個個都當我係異類⋯無咩人同我傾計⋯

Lavina：「我⋯我⋯暗戀咗你咁耐你都唔知⋯030」

我：「知喇知喇～入去登記先啦⋯」





行到學校入面，學校嘅大廣場同以前真係無分別，以前我一直坐嘅長板凳，同埋後面嗰棵松樹。我好記得，我以前就係俾呢棵松樹跌落後果實扑中，痛到我以為個頭就咁就裂咗。現加諗返，真係幼稚⋯

Lavina：「呢到仲係同以前一樣，好似返返細個嘅時候咁～」

我：「等間先再感嘆啦，入去啦！」

Lavina：「哦～」

入到校務處，我一眼就認得出以前我每次我每次要報遲到都要搵嘅嗰位女職員，但唔同嘅係，佢頭上已經一片灰白，昔日光滑嘅額頭上，亦已鋪滿咗一條又一條嘅皺紋⋯





我：「唔該～我哋黎參觀㗎！請問洗唔洗登記啲咩咁㗎？」

女職員：「哦～咁請問兩位係舊生定？」睇黎佢已經唔記得咗我，不過唔意外，都過咗成十二年，日日都要對住人做嘢⋯唔記得都合理嘅

我：「舊生黎㗎⋯」

女職員：「咁喺呢到對返畢業相，指出自己就得㗎喇。」吓，咁求其㗎咩⋯不過算啦⋯入到就得啦～
「請問妳哋係邊一年畢業㗎？」

我/Lavina：「06年㗎，唔該！」

員工：「咁我去攞一攞相先，坐陣先呀！」







「有時候我真想自己認知少，越知越多，傷痛就會更多」