《純愛》平安夜的天使 (完): 第七十三章

第七十三章

「杯咖啡唔錯喎～」

「多謝讚賞喎⋯」

過咗五分鐘，鄧sir坐咗喺窗邊位，而我就攞住杯咖啡過去⋯

鄧sir：「每次黎都係有種世外桃源嘅感覺，都係咁舒服。一邊睇住窗外嘅鬧市，一邊飲住杯Americano。爽呀～」





我：「乜你都有嘢煩嘅咩？咁耐以黎你都係處理過我啲麻煩嘢。」

鄧sir：「上次嗰個男嘅，啱啱停完學又返黎搞事呀⋯」

我：「佢係咪有病呀？」上次同佢對質嘅過程當中，我察覺佢雙眼嘅瞳孔比平常人大一、兩倍，不過當時曉桐突然制止咗我，我諗佢都會準備郁手

鄧sir：「佢患嘅係躁鬱症⋯」

我：「躁鬱症？我記得你喺堂上面講話呢種病好似係家庭、感情同壓力上面所導致嘅心理疾病黎⋯」





鄧sir：「果然有聽書呀～無錯，不過躁鬱症同一般抑鬱症唔同嘅係，患者係會不能自拔同情緒完全失控⋯我喺同佢媽媽傾計嘅時候聽到佢多次提及自己個仔嘅學業成績同家庭背景，睇出佢應該對個仔要求好高，而黎種催谷嘅教育方式睇黎對文傑做成無形嘅壓力⋯」講到呢到，佢除低咗佢副眼鏡，按住額頭，我睇得出，佢呢排真係好攰⋯
「咁你呢？你現加無再諗埋一面喇嘛？」

我：「好咗好多喇⋯有曉桐喺到，想諗都唔得啦⋯」

鄧sir：「咁就好喇⋯」
「話說曉桐都有問過我有關躁鬱症嘅樣⋯」

我：「吓！佢有躁鬱症！？」





鄧sir：「冷靜啲！呢樣嘢我都唔清楚，你得閒就睇睇佢⋯」

我：「嗯⋯」曉桐點解會問呢？係咪幫佢親人問咋⋯但佢屋企人都唔喺到喎⋯純粹好奇？好奇都唔係好奇呢啲嘢呀⋯唔通係佢自己患咗，但如果患咗，患者自身都唔會知道⋯ 等佢返黎先再問一問，希望唔係佢患咗啦⋯

「吾～吾～」電話喺枱到嘅震動聲

鄧sir：「咁我走先喇，老婆同阿女等緊我。下次再黎呀～」

我：「嗯⋯我送你⋯返正現加無人⋯」


「一個人真正要嘅唔係口講嘅鼓勵，而係身體力行嘅支持同陪伴。」