《純愛》平安夜的天使 (完): 第六十九章

第六十九章

「好得意呀～」

「洗唔洗母愛泛濫成咁呀⋯」

過咗兩日到，阿倫話叫我哋搵個下晝去探一探阿輝佢哋，而曉桐一聽到有BB，就即刻跟埋黎⋯ 一去到醫院，曉桐就係咁同Jody傾計，場面相當尷尬，所以我就拉咗阿輝出去吹水⋯

我：「估唔到你最遲有女，卻係最早結婚生仔～」





輝：「無計，遇到自己鐘意嘅，而對方亦鐘意自己嘅，就一拍即合。對我哋而言，結婚只係一個過程，由我哋見面嗰即開始，就已經係夫妻。」

我：「知你夠專情喇～」

輝：「不過，你明明係最早求婚嗰個，卻成為唯一仲自己一個嘅人⋯」

我：「無計，個場意外令我失去咗最愛，我唔敢⋯」

輝：「你鐘意咗嗰個女仔？」佢手指住喺房面抱緊BB嘅曉桐





我：「嗯⋯」

輝：「但你驚失去？」

我：「無計⋯ 話哂我以前咁努力去愛，去保護，去珍惜佢，但到頭來都係只換黎無盡嘅痛苦⋯ 但係⋯」但Kelsey都叫我應該再去愛，不我一直都唔敢肯定，我係咪仲有呢個資格⋯

輝：「但我睇得出，佢都對妳有同樣嘅感覺，甚至更深⋯」

我：「何以見得？」





輝：「我聽阿倫講，佢日日黐住你，對你嘅大小事都一一關注，嗰個party仲要佢搞嘅。咁你話佢係咪好愛你先？」

我：「不過，幾愛都好⋯都係會失去⋯」

輝：「既然遲早會失去，咁不如喺失去之前，把握機會去製造更多美好嘅回憶，起碼唔好俾自己有遺憾⋯」

我：「點解個個都同我講一樣嘅嘢⋯」

輝：「無計。你就係一個咁嘅人。」

我：「哈哈⋯ 真係呃唔到你哋⋯」如果無你哋，我諗我真係唔會有今日。.
「希望我可以愛一個愛我嘅人啦⋯」

輝：「一講曹操，曹操就到～」曉桐出咗黎





Lavina：「阿遊，不如食個晏先咯～」

「吾～」我肚中嘅咆哮聲已經幫我答咗

Lavina：「Hmmm~肚餓呀?😏」

我：「唉⋯」我一手抓住曉桐嘅手，跑去lift口

Lavina：「喂！行慢啲呀！」

我：「我餓吖嘛～係要快啲㗎喇～」

Lavina：「喂呀～」







「堅持愛一個人並非易事，要視乎你將對方放喺一個咩地位而決定。」