《純愛》平安夜的天使 (完): 第六十五章(曉桐章六)

第六十五章 (曉桐章六）

「叮噹～叮噹」門鈴聲將我喺夢中喚醒，腦海入面不斷浮現出Kelsey樣貌，佢嘅笑容、佢嘅一言一語、一顰一笑⋯

Lavina:「Hi~做咩呀你？」佢一面擔心嘅樣望住我
「做咩事呀？」佢慢慢咁行入我間屋，雙手攞住一袋袋嘅餸菜，好似啲街市阿姨咁，但佢著住藍色短T，黑色運動褲，頭上紮左馬尾，仲帶返副圓眶眼鏡，外表同當年嘅Kelsey好似⋯
「嘩！做咩一地玻璃碎呀？」

我：「我⋯我⋯」啱啱我睇完封信之後，就跪咗喺地下到喊，喊到失哂控，最後喊到攰先喺地下到瞓著咗⋯





Lavina：「得！有咩就等間先食完先講，等我入去廚房先～」佢呢句嘢馬上將我想講嘅嘢收返哂入好⋯
「嘩，啲廚具仲咁新嘅？連包裝套都唔拆？」

我：「我以前一係就就出去食，一去就煮個麵就算，洗鬼用咁多廚具咩⋯」

Lavina：「咁你又買咁多？」

我：「呢啲係諗住同Kelsey一齊煮飯，所以先買咗咁多⋯」

Lavina ：「哦～咁俾本小姐黎表演啦～你唔準入黎阻住哂㗎！」





我：「好呀～咁我去執一執啲玻璃碎先⋯」

••••••••••••••••••••••••••••••••••••••••••••••••

「阿遊佢點呢⋯」佢由今朝開始精神恍惚，到現加喊到眼都腫埋，我同上次一樣，睇唔到佢諗咩⋯佢雙眼充滿住悲傷同愧疚，就好似當年一樣...

=================================

兩年半前





？：「Angel呀，妳知唔知妳以前嘅暗戀對象阿遊準備結婚喇？佢前幾日派咗帖俾我同Kelly呀。妳無收到咩？」

我：「無⋯無呀⋯」阿遊佢⋯結婚喇⋯我睇黎太遲了⋯

？：「我send咗相俾妳喇⋯」佢send阿遊同Kelsey嘅合照⋯好匹配嘅一對情侶，好心酸⋯

我：「嗯，我遲啲覆妳去唔去呀⋯我有嘢做，遲啲再傾⋯」

?：「哦，88～」終於由紐西蘭返黎嘅我一收到呢個消息，雖然都預咗佢並唔會等我，但都難免都有啲傷感⋯正當我諗住去接受呢個事實嘅時候⋯

「今日中午十二時喺尖沙咀發生致命交通意外，一死兩傷。司機當場死亡。兩位傷者一位姓何男性頭部受傷，而姓梁女性肋骨、頭骨骨折，已送到瑪嘉烈醫院治理⋯」電視機上嘅新聞報導吸引咗我嘅視線

我：「姓何？嗯？呢個咪阿遊！？」電視上顯示咗一位男人喺地下嘅相，滿地瘀血，旁邊有副完全裂碎嘅黑色方框眼鏡，而男嘅著藍色牛仔襯衫，同嗰張相一模一樣⋯ 我一時之間唔知點算，好驚⋯好驚連我可以死心嘅機會都無埋⋯





我諗都唔諗，睇都未睇清楚就即刻落沖落去樓下折咗架的士⋯

「瑪嘉烈醫院呀，唔該！」講完便開咗車

司機：「姐姐仔，妳好似好趕咁喎～」

我：「係呀，我⋯我朋友出咗事⋯」我講唔出「佢係我鐘意嘅人」，我喺佢眼中到底係咩？同學？朋友？陌生人？我自己都唔知自己點解會咁傻，會去等一個人十四年⋯ 係愛？係遺憾？我自己都唔清楚⋯好困擾⋯



「多年嘅等待，未必能夠換來想要嘅結果。但如果唔去爭取嘅話，係連等嘅資格都無。」