《純愛》平安夜的天使 (完): 第六十三章

第六十三章

「將來如果我某日突然死咗，你會唔會好似歌詞咁愛我一生直到老死呀？」

「對唔住⋯」

「做咩呀阿遊？」

「對唔住⋯Kelsey...我無好好咁保護妳⋯」





「算喇⋯反正我⋯都已經俾你害死喇！」

「你當年都唔追返我，後悔呀！」

「Angel...」

「黎見/搵返我喇！」

「啊！」呢一句說話將我喺夢中拉返出黎⋯夢裏面嗰兩個人有住Kelsey、Angel嘅樣，但卻唔係佢哋⋯唔係愛我嘅嗰個Kelsey,但又如此真實⋯





Lavina:「做咩呀？發噩夢呀？」唱埋最後一首之後，我哋就喺K房到瞓著咗，話哂凌晨時份，出面啲櫃檯人員都懶得理我哋，所以一瞓就瞓到嗰兩公婆都已經醉醒咗⋯

倫：「醒喇～死仔遊～」

我：「呢句嘢由我黎講先啱喎⋯」

倫：「喂～唔好講呢啲住先～話說呢⋯我琴晚做咗啲咩黎呀？」睇佢個樣，肯定醉到斷晒片⋯唉⋯酒量差就唔好飲喇⋯

我/Lavina:「無⋯無嘢呀～」





我：「你一飲完就拉埋妳老婆瞓咗lu~」當然唔同佢講嗰兩個鐘頭嘅「動作喜劇」，衰在無帶cam，如果唔係錄低佢留作為紀念～

倫：「咁⋯好囉～」而佢又真係信⋯


Priscilla:「不如老公你車埋佢哋去食早餐啦。反正啱啱起身，個肚有啲餓～」

我：「好呀⋯返正我都好耐無食早餐⋯」

Lavina：「Let’s go~」瞓完成個人都精神到好似個細路女咁⋯
「呵呵～有人幫我充電吖嘛～」

我：「唔好亂講嘢！」

眾人：「哈哈～」





上咗車之後，我一直面向住窗，一邊望住地平線，一邊思考嗰個夢⋯

「都已經俾你害死喇！」「都已經俾你害死喇！」「都已經俾你害死喇！」「後悔呀！」「後悔呀！」「後悔呀！」

Lavina：「做咩呀？你瞓醒咗之後成個靈魂出竅咁嘅⋯你無嘢吖嘛？」

我：「無⋯無嘢⋯」

Lavina:「哦⋯如果你想講嘅話，同我講聲⋯我隨時ready⋯」

我：「多謝妳⋯」講完我就繼續望住窗，我諗返佢當年喺我臨暈之前同我講嘅嗰句嘢⋯佢最後嘅一句一直都無諗，但發咗呢個夢之後⋯我好想知⋯Kelsey同我講咗啲咩⋯


「我喺夢中見到嘅你一直都係咁美麗動人，你所講嘅一言一語我都會記住⋯但差別係⋯你唔喺我身邊⋯」