《純愛》平安夜的天使 (完): 第四十七章(曉桐章五)

第四十七章(曉桐章五)

「開餐喇～」

「嗯⋯哈哈⋯」

到咗夜晚大約7點幾到，阿倫佢哋兩公婆都返到，而我哋三個都set好個場喇～ 當然就開波食飯啦，話哂都玩咗一日，點都搵啲嘢醫一醫個肚嘅～但係⋯

我：「阿Priscilla姐呀⋯點解張單上面有接近一半係零食同甜品黎嘅⋯」





Priscilla：「乜唔係你叫買㗎咩？嗱～」佢俾咗佢部電話我睇，又真係我send㗎喎⋯但我唔係放咗部電話喺⋯唔通係⋯

我：「周！曉！桐！」咁耐我都放部電話喺房到，而又只得佢入過我間房，唔係佢仲有邊個！

Lavina:「咁⋯咁我部電話冇電吖嘛，所以放咗喺廳到叉電囉⋯而你間房又近喎～所以就⋯」邊有人會用啲咁嘅狗屎理由㗎！啱啱半個鐘前先攞起手到睇ig！妳⋯妳！
「唔得咩？😢」

我：「得⋯當然得啦⋯😅」頂！我最驚就係女人喊㗎啦！點解個個女仔都用同一招黎對付我都有㗎😫Angel又係咁，Kelsey又係咁，連妳都黎埋！唉⋯我注定一世俾女人蝦⋯

Lavina：「好嘢～開餐lo~」嘩！妳識變面㗎？一秒前仲喊緊，下一秒就喺度哈哈咁笑，今次真係唔方「哈哈哈」喇⋯




「唉呀！」

我：「都叫咗妳小心啲㗎喇⋯係咪呢！自己攞黎衰⋯」佢俾個爐辣親手，真係唔知點話佢好⋯
「妳過黎！」

••••••••••••••••••••••••••••••••••••••••••••••••

遊：「妳過黎！」阿遊就好似一般喺電視中見到嘅嚴父一樣，口硬卻非常心軟⋯同我爸爸當年一樣⋯

我：「嗯⋯」而我就好似一個犯咗錯嘅小女孩一樣，走過去接受「調查」⋯





遊：「手攞黎！」佢喺房到攞完藥膏之後便坐喺梳化上幫我處理傷口⋯

我：「啊！好痛呀！」

遊：「痛呀？抵妳呀～叫極妳都唔聽吖喇～」我錯啦！佢唔似我老豆！佢正一係仆街黎㗎！點解我會鐘意佢㗎⋯
「下次小心啲喇⋯我唔係次次都喺你身邊㗎⋯」

=================================

爸：「阿女呀⋯爸爸呢唔會永遠都喺你身邊㗎⋯ 妳要好好咁照顧自己，搵個好男人黎代替我照顧妳，知唔知！」

我：「知道啦～唔該你爸爸」

爸：「好～食嘢啦喂～妳媽媽今日煮咗蝦仁炒蛋呀！」





我：「好嘢！」

=================================

「咁你⋯你做我一生嘅伴侶咪得囉⋯」

遊：「吓！」我⋯我啱啱講咗啲咩！啊啊啊！我講咗啲咩呀！！！

我：「啱啱我講嘅你全部唔好記得哂呀！」

遊：「妳估睇緊動漫呀？講兩嘢就會唔記得⋯同埋，妳啱啱都⋯都無講嘢⋯」佢面紅呀！佢又呃我！啊啊啊！

我哋兩個都dup住頭咁望住地板





倫/Priscilla：「喂！你兩個派完狗糧未呀？我哋好肚餓呀！」

Mel:「睇黎妳兩個真係匹配到呢⋯好閃呀～」

我/遊：「點閃都唔夠妳同阿Ken啦～」

Mel:「喂呀！」

「哈哈哈～」阿遊，如果你最後都係估唔到的嘅話，我都會以朋友嘅方式，同你一齊渡過餘下嘅時光⋯何永遊⋯我愛你⋯


「愛本身並不複雜，但卻令我哋內心變得複雜」