《純愛》平安夜的天使 (完): 第四十五章(曉桐章三)

第四十五章 (曉桐章三)

「嘩！！！」

「又我輸⋯」

玩咗一陣層層疊，輸最多都唔洗講，一定係阿倫啦⋯ 基本玩咩小遊戲佢都輸嘅⋯ 不過，今次輸就玩「誠實與大膽」⋯ 所以對阿倫黎講真係易過食生菜，因為⋯佢實揀大膽⋯

倫：「唉，好啦⋯ 老婆我黎啦～」準備飛撲埋去Priscilla,但⋯





Priscilla:「咀你個頭⋯」一嘢推開咗佢⋯

我/Lavina:「哈哈⋯」

下一局

「嘩！！」

Mel:「我竟然⋯竟然⋯」





我：「誠實定大膽呀～😏喂～」

Mel：「我⋯我⋯」

我：「唔洗諗啦！就誠實啦～😏」我等咗呢刻好諗啦！終於俾我蝦返一次啦～

Mel：「喂呀⋯咁⋯咁你哋想知啲咩？」吓⋯咁順灘～咁⋯

我：「你同阿Ken係咪一齊緊？」估都估到，不過都係由佢親口承認咗先好，呵呵⋯





Mel:「係⋯係呀！你哋滿意未呀！」

我：「好⋯多謝何小姐妳嘅發言，黎！鼓掌👏」

Mel:「喂呀～」

••••••••••••••••••••••••••••••••••••••••••••••••

Priscilla姐喺我耳邊講：「等間偷偷哋咁推Marcus一嘢，搞到佢輸～」

我：「咁會唔會衰咗啲呀⋯」

Priscilla：「咁妳都係想知佢對妳有咩感覺㗎～放心啦～阿Mel啱啱咩都同我講哂啦～我有分數～」既然妳咁講到⋯死就死啦！

遊：「呀！」我喺佢後面扮唔小心推咗佢一下




「曉桐姐⋯咁算點先⋯我輸啦⋯」

Priscilla：「哦～Marcus～誠實定大膽？」

遊：「可唔可以叫阿倫代頂呀⋯」唔好呀！

Priscilla姐用咗個好銳利嘅眼神望一下阿倫，阿倫抖動咗一下，之後拍一拍阿遊膊頭

倫：「兄弟，我幫唔到你喇⋯」Priscilla姐好嘢～

我：「吓⋯咁⋯誠實啦。我唔想聽日返唔到工呀！」

Priscilla：「咁就～Lavina妳問啦！」

我：「吓！哦⋯」有咩問題可以問呢？佢鐘唔鐘意我？太簡單？佢有冇諗過我？都唔啱呀⋯不如⋯




「阿遊你過去除左Kelsey嘅事之外，仲有冇遺憾嘅事呀？」因為我有⋯當時我咁一走了之，無話你知我有幾鐘意你，對唔住⋯

=================================

當年我走出醫護所之後⋯

我：「對唔住⋯阿遊⋯」電話突然打黎
「喂？」

媽：「阿女，你班機聽晚10點呀，記得唔好遲到呀！你爸爸都等咗你好耐㗎啦！」

我：「媽咪呀⋯我之後可唔可以返黎香港呀？」

媽：「阿女⋯妳爸爸一日未好返，我哋都唔可以返黎㗎！醫生話只要喺佢面前提起有關香港嘅事都會加深病情㗎！算啦阿女⋯」





我：「但⋯但」

媽：「我話唔得就唔得啦！」

我：「嗯⋯嗯」

媽：「阿女⋯」

我：「我晏啲再打俾妳呀！有電話入！」未聽到佢嘅回覆我就cut咗線⋯

好痛⋯好辛苦⋯點解要係我爸爸患呢個病⋯佢咁好人，卻最終被心理病玩弄⋯點解⋯阿遊⋯對唔住⋯ 我愛你⋯

=================================







「喺呢個世界上，好心並唔一定會有好報，因為呢到並無百分百嘅好人」