《純愛》平安夜的天使 (完): 第四十三章

第四十三章

「哼～哼～哼～」

「食完嘢妳仲唔走嘅⋯」

食完早餐(其實都成十二點幾⋯)之後，Lavina就一直坐喺個梳化到一邊哼歌一邊望住個天花板，坐到成隻貓咁⋯

我：「阿曉桐姐姐呀⋯請問個天花板有咩好望呢？」



Lavina:「咁人哋悶吖嘛～無計㗎！咁你⋯」「叮噹～叮噹～」門鐘聲打斷咗我哋嘅對話⋯

我：「呢個鐘數⋯邊個呀⋯」

Lavina:「可能係你堂妹呢～」

我一邊開門一邊講：「邊有可能呀～佢有鎖⋯」

Mel:「Hi~ 打攪哂～」



我：「匙㗎嘛⋯」喂有冇咁撚準呀！喂！曉桐喺度㗎！喂！
「咳咳⋯阿妹呀⋯ 妳點解會黎嘅⋯」

Mel：「咁我今朝打電話俾你又唔聽，去到cafe又見門口貼咗告示話今日唔開喎，所以咪摌上門搵你囉～」

我：「妳今日唔洗返學咩？嘥成幾個鐘由屋企到cafe再黎我屋企😅」

Mel:「你係咪琴晚飲到傻咗呀？🤨今日禮拜日洗鬼返學呀！」阿Ken一唔喺隔離成個人寸到呢⋯ 如果唔係因為我係佢堂哥，我諗我一做俾佢食住都似⋯
「入到去先再講，桐桐姐～sorry～要妳等咁耐～」吓！？桐桐姐！喂！佢兩個幾時⋯



Lavina：「我同阿Mel喺同一個Ocamp識㗎～嗰次喺cafe太突然，所以咪扮唔識囉～」哦～喂！咪住先！

我：「但點解⋯」

Mel：「妳啱啱喺門後面講嘢講得咁鬼大聲，係人都聽到啦～😏」呢個衰妹真係呢⋯

我：「我真係服咗妳哋，兩個一唱一和，我出街算啦⋯」口就話出門口，其實係入廁所⋯

Lavina：「乜門口喺廁所到咩？」

我：「去完廁所先出門口唔得呀？」

Lavina:「唓～」

••••••••••••••••••••••••••••••••••••••••••••••••



阿遊入咗廁所之後⋯

Mel：「喂～你哋琴晚點呀？」

我：「佢⋯佢攬住咗我⋯」佢嗰刻嘅灰暗、孤獨，我好想幫佢承擔，一齊走落去⋯

Mel：「咁咪好囉！佢仲未估到妳係Angel呀？我呢個阿哥真係蠢呀⋯」

我：「算啦⋯就算佢知道都又點啫⋯佢⋯」

Mel：「妳係指Kelsey姐？」我點一點頭⋯
「咁又係⋯當年佢受嘅打擊太大了，尤其仲要係自己嘅最愛⋯不過，我諗如果佢知道咗妳係佢細個嗰陣嘅最愛，我諗佢一定開心死啫～」

我：「希望啦⋯不過⋯如果佢一生都唔知，我諗⋯對佢黎講會係件好事⋯」



Mel:「喂呀～唔好咁諗啦⋯ 啊！不如叫埋佢黎啦！」

我：「吓⋯咁會唔會唔係太好呀⋯⋯」

Mel:「驚咩啫，佢間屋以前成日都多人黎嘅啦，妳放心啦～」

我：「哦⋯」

••••••••••••••••••••••••••••••••••••••••••••••••


「要忘記一個遺憾，呢個係我哋人最難做到嘅事，因為⋯我哋嘅良知並唔容許」