《純愛》平安夜的天使 (完): 第三十五章

第三十五章

「咁我上去先啦～等間見👋」

「你好快啲呀，唔好要佢哋等成個鐘呀！」

嗰次傾完之後嘅兩日，啫係宴會當日。Priscilla就話我同Lavina提早返去執正啲個樣先，之後等埋佢兩公婆輪流返去換衫咁⋯咁又係嘅，話曬係高級嘢，執個樣起碼「輸人唔輸陣」；同埋我平時出街同返工都無咩點啲理自己嘅儀容⋯哼⋯

=================================



Kelsey:「衰人你又唔gel頭返工呀？」

我：「咩啫～我gel唔gel都係咁衰㗎啦～」

Kelsey:「咁⋯gel咗好睇好多吖嘛👀030⋯」佢講完呢句嘢之後唔敢有眼神接觸，睇黎係真話啦⋯

我：「啊得啦得啦，我gel啦得未？」

Kelsey:「好嘢～」



=================================

我：「真係俾妳講中啦，老婆⋯」我馬上9秒9跑返屋企換衫，開咗個衣櫃之後發現⋯無啱嘅衫⋯
「咁唔掂喎⋯嗯？」有件西裝同對皮鞋放咗喺個櫃嘅上角落位，起曬塵⋯話曬兩年無著⋯ 換完衫之後，入厠所諗住gel埋頭先出門口，但⋯
「頭髮長咗啲喎⋯ 衝去落剪算⋯」馬上換鞋衝落樓下附近間剪髮鋪⋯「叮叮～」
「唔該，黎個快速洗剪呀！」

朗叔：「嘩遊仔，著到成身去飲look咁，約咗女女呀⋯」朗叔係由細到大就幫我剪頭髮，由我一般平頭到undercut都係黎至佢手筆，追到Kelsey其中之一大功臣一定有佢份⋯

我：「算係啦⋯」 「叮叮～」



？：「朗叔唔該你，嗯？阿遊？」

我：「Lavina⋯點⋯點解妳會黎呢到嘅⋯我以為妳會要成個鐘先搞掂添⋯」

Lavina:「無計啦⋯咁多樣嘢就差個頭⋯」佢換去一般打工套裝，換咗件深藍色嘅長裙有純白色高踭鞋，發咗個淡妝，比平時嘅佢靚嘅程度已經完全唔同咗lv，好靚⋯
「話說乜你都會理自己嘅形象㗎咩😏」

我：「無計啦⋯話哂今日要去高級ball，唔著返整齊啲點得呀⋯」當然因為要配得上妳啦⋯

朗叔：「乜桐桐妳識阿遊㗎？哦～原來你哋⋯」

我/Lavina：「我哋未/無喺一齊㗎！」

朗叔：「嗯～知道知道⋯」


「阿遊呀，俾阿桐桐先得嗎？佢返正都係幾cm嘅長短到嘅啫，好快～」

Lavina:「喂呀朗叔！衰佬(佢指住我)你唔準笑呀！」

我：「呵呵～得得得！桐桐姐話事啦😂」

Lavina：「喂呀！」

我/朗叔：「哈哈⋯」

喺Lavina俾朗叔剪緊頭髮嘅時候，我一直望住鏡中嘅自己同Lavina，令我更加懷疑自己鐘意嘅到底係Lavina，定喺我眼中見到嘅Kelsey，因為我當年我鐘意Kelsey嘅原因係因為Kelsey有Angel嘅影子，佢會喊，但因為愛我而喊，但當年Angel嘅喊，到底係咪因為愛呢⋯ 如果我當年有上前叫停佢嘅話，咁我今日會唔會遇到Lavina？Kelsey會唔會因此而唔會死呢⋯


「我已經慢慢開始睇唔清自己了⋯」





「愛情就如一把雙刃劍：一係愛得徹底，一係傷得徹底」