《純愛》平安夜的天使 (完): 第十四章

第十四章

「咁我同Lavina走先啦喎～」

「得啦，行啦仆街⋯」

話曬今日31號，我就破例一次用「老細嘅權利」黎提早放工，加上夜晚啲情侶們都去哂啲高級餐廳食飯，所以早收鋪都唔會有咩損失，同埋有嗰兩公婆喺度，完全唔洗擔心⋯

Lavina:「係呢，你啱啱同你堂妹傾咗啲咩呀？」



我：「冇咩呀⋯⋯都係傾返啲平常嘢啫⋯」對於阿Mel啱啱講嘅嘢，我都有所懷疑⋯單單幾日就由陌生人變成好朋友，佢好熟悉我嘅想法同興趣，唔通⋯⋯ 算啦算啦！專心喺今晚嘅倒數先啦，之後先慢慢諗啦！

Lavina:「好靚呀！」佢望到喺某間飾品店嘅展品，係一條有天使翼嘅頸鏈⋯

我：「乜妳鐘意天使㗎？我只知道咩路西法呀加百列呀呢啲咁囉🤥」

Lavina:「路西法係墮天使，而加百列係天使長之一，其他既例如⋯」之後佢就講咗大約幾分鐘聖經歷史⋯我只講咗「嗯」「喔」「係咁㗎？」呢三大利器，因為我真係無興趣聽呀🙉聽聽下我聽一聲「吾～」，唔係我發出嘅～

我：「係咪肚餓呀？」唔係我，就係嗰位小姐啦～



Lavina：「唔⋯唔係呀！」🙄come on… be honest!!!

我：「喔⋯咁行咯，我哋快啲去攞過靚位去⋯」

Lavina：「我唔餓，但我都想食啲嘢⋯」嘩你講曬啦⋯⋯

我：「妳想食⋯」

Lavina:「我要食麥記⋯」咁我荷包都安心啲⋯



去到麥記佢叫我去搵位，佢自己就一支箭飛咗過去叫嘢食⋯ 佢返黎之後⋯

我：「又話食少少嘅⋯」佢叫咗一份9件麥樂雞餐加大同一份雞翼餐加大⋯

Lavina:「有你喺到吖嘛～」喊出黎⋯
「嗱～比你嘅～」佢比咗份雞翼比我，令我諗起Kelsey⋯

=================================
Kelsey:「老公呀～我好肚餓呀～」

我：「咁你想食麥記點茶記呀？」

Kelsey:「當然麥記啦！🤤 啲雞翼咁好食～」

我：「好囉，行咯～」


=================================

「喂，做咩呀？唔啱食呀？」Lavina見住我喺到發佝瞀

我：「唔⋯唔係呀！不過隔離飯香啲～」我一手拿咗好幾舊麥樂雞～

Lavina:「喂呀～全枱都係我㗎！」



Kelsey,我好掛住妳⋯



「要懷念過去唔難，但要懷念過去同時要創造未來卻非常難⋯」