《純愛》平安夜的天使 (完): 第十一章

第十一章

食完飯之後

Priscilla:「咁我哋走先啦喎，聽日準時返工呀！88～」

我/倫/Lavina:「88👋」

Priscilla同阿倫同居，而我同Lavina都住喺九龍，所以可以一齊搭巴士返去～





我：「嗯？妳原來都係住九龍㗎？估唔到妳都係九龍友喎～」

Lavina:「哈哈～我以前小個嘅時候係同阿爸阿媽一齊住喺九龍㗎～不過阿爸突然有心理病，之後紐西蘭嗰邊有個好pro嘅心理醫生話可以醫好佢，所以我讀讀下小學就要一家人移民去嗰邊，間屋就放置咗好幾年直到兩年前我返黎先住返⋯」佢講嘅時候眼中嘅血絲同淚水係入面忍住唔出，我見到佢對父母嘅關懷同理解，我好想為擦下那面上嘅淚珠，但同時又覺得唔太適合，所以我攞咗張紙巾比佢

Lavina:「唔該你⋯」佢抹完之後
「係呢？Marcus呀，咁你屋企人係點㗎？同埋你小個時候嘅生活係點㗎？」睇黎佢對我嘅一切好有興趣咁喎⋯

我：「我啱啱係香港出生之後就不斷喺大陸、香港兩地飛，頭嗰4年都係比我契媽養，有兩年時間都係喺大陸生活，所以啱啱返黎讀小學嘅時候都無咩朋友⋯不過！有件事係我最印象深刻嘅～」當我講到呢到件事時候，突然有對情侶係隔離噪話要分手⋯

女：「你以前好愛我嘅，點解你會變成咁呀！你喺出面搵女人！？我有咩比唔上佢呀？喂！你答我呀！」





男：「我⋯已經對妳無feel了，我哋分手啦！」

個女一嘢摑落個男塊面到：「人渣！」
男嘢慢慢向我哋嘅同一方向行上架巴士，而女嘅就跪咗喺到喊，我正當想無視個女仔行上巴士嘅時候，Lavina主動行咗過去女仔身邊問佢：「妳點呀？」佢眼神示意我過黎比張紙巾佢
女：「唔⋯唔該妳⋯多謝妳哋黎幫我⋯」

Lavina：「呢啲咁嘅渣男唔要都罷啦，妳值得擁有更好嘅男人㗎！」

女：「但我仲好愛佢呀！」一段失敗感情嘅通病，因為一時衝動就盲目去愛上一個唔愛自己嘅人





Lavina：「咁啦⋯⋯我可以比妳最好嘅唔洗忘記佢而又唔洗為愛佢而傷心嘅方法⋯就係將以前既佢喺現實中已經死咗。佢永遠都會喺妳心中，而喺將來見到嘅佢就只係一個有佢個樣嘅陌生人⋯」

女：「吓！但⋯佢⋯佢⋯」

Lavina:「殘忍但現實，妳與其去掛住一個唔愛妳嘅人，倒不如用呢啲時間黎準備自己，邊等一個真心愛妳嘅人啦。」我哋人生中總會有愛錯人嘅時候，但如果要喺當中獲取教訓，有助於我哋一生嘅成長。

我同Kelsey係少數嘅例外，因為我哋嘅過去同對人生嘅睇法令我哋明白如何去「無條件咁愛一個人」.

女：「嗯⋯ 我⋯明白㗎啦，唔該妳⋯」喊完啦，傷夠啦⋯ 佢連byebye都無講聲就行咗向地鐵站嘅方向行去⋯

喺個女仔行完遠去之後，望住佢嘅背影，Lavina好細聲咁講咗一句⋯⋯












「但我哋要等幾耐呢⋯⋯」