《純愛》平安夜的天使 (完): 第九章

第九章

Priscilla:「係呢？點解妳會返黎香港嘅？」喺去緊間茶餐廳嘅路上

Lavina:「哦～當年我讀讀下小學就去咗紐西蘭，我父母應承咗我讀完高中先比我返香港，但要我係嗰邊返兩年工先⋯」吓⋯但張學生証寫佢今年22歲喎⋯

睇黎Lavina見我係到諗緊呢樣嘢，佢即刻話：「當時我阿媽話方便我之後做嘢同返學所以寫細咗兩年⋯」即係同我哋同年⋯

Priscilla:「但係學資上都係我哋嘅好～師～妹～」



Lavina都配合佢話：「係嘅，師姐～」

阿倫黎亂：「師姐師姐～我要抱抱～」

Priscilla:「抱你個死人頭呀！」兩公婆嘅打情罵俏，令我諗返起Kelsey⋯

行到間茶餐廳入面,求其搵到個4人位

倫：「文叔，好耐無見～」文叔係呢間茶餐廳嘅老細+伙計，雖然佢有請多個伙計，但佢較鐘意親力親為



文：「喂！黎食飯呀？咦？呢位係？」

倫：「哦！黎探你老人家吖嘛～ 黎！我同你介紹，新同事兼師妹，Lavina」

文：「新女朋友仔呀阿遊？」

我：「唉⋯一言難盡⋯」我已經唔想講啲咩嘢⋯⋯以前我同Kelsey一放工就黎呢到食飯，一黎呢到啲嘢食真係好食，二黎我哋懶，唔想煮⋯⋯

=================================



Kelsey:「我食唔曬個飯⋯幫我食～」

我：「叫咗你唔好嗌兩個焗豬飯㗎啦⋯」

Kelsey:「算啦，反正係你比錢⋯」

我：「但我啲錢咪即係妳啲錢⋯」

Kelsey:「唔係喎～你啲錢啫係我啲錢；我啲錢即係我啲錢，所以我係無蝕到㗎😤」

我：「無妳咁好氣🤥」

Kelsey:「黎啦乖～呀～」佢餵我食...

我捉住佢捉手：「呀！」之後一嘢用咀塞落佢個口到



Kelsey:「我唔要呀～」

我：「hehe，用我啲錢埋單呀啦～」

Kelsey:「No!I’m so full...」

我：「no喎 haha」
=================================

倫：「喂，阿遊！你食咩呀？」

我：「焗茄豬扒飯呀。」




「如果你係真心愛一個人，你望任何嘢都會諗佢。」