《勇敢者的傳奇：校蟒》: 《勇敢者的傳奇：校蟒》第二季第六回

第二季第六回
 
嘶嘶……簌簌……嘶嘶……
 
這些熟識的聲音愈來愈近，而我的身體則愈來愈熾熱。頭腦更像被放到焚化爐燃燒般。不知道垃圾被焚化時，有沒有像我這樣覺得痛苦，絕望呢？
 
「你係咪好想變強？」
 
「你係邊個？」
 




「你係咪唔想再咁垃圾？」
 
「你講乜呀？」
 
「我可以幫到你。只要你比你最珍貴既野我，我可以比力量你。」
 
「靈魂？」
 
「靈個屁，你個靈魂值得幾多？」
 




我稍為清醒了，慢慢睜開眼，但視野還是很模糊。好像聽到蟒蛇噁心的爬行聲，聲音使我每個細胞都打冷顫。我摸摸額頭，噢！這是我的血嗎？剛才……剛才是Leo用3310打我的！
 
真不好，一醒來就見到兩條大蟒蛇。但是Leo竟站在大蟒蛇那邊！什麼事？他變節了嗎？豈有此理！打穿我的頭還敢與大蟒蛇為伍？
 
「哈哈！唔好意思，遊戲要結束啦，我要殺晒你地，係咁先啦！」Leo得意地說。
 
「無恥！」
 
「下流！」
 




「賤格！」
 
「禮義廉！」我說。
 
「X！你都唔岩隊形既！家姐同呀豪都夾到。仲有我咪講左無恥囉，你講乜禮義廉啫！」man指著我說。
 
大家一同望過來，然後露出驚訝又難以至信的表情。也許是我一臉鮮血的模樣恐怖，亦可能是因為我受了這樣的重傷也竟能不死。不過，很奇怪。我覺得頭痛開始散去，而且更感受到一股舒暢的暖流在身體裡運行。
 
「做咩啫！而加主角係我呀，望番過黎！」Leo不忿。
 
「乜你冇發覺咩？由我醒番開始，主角已經變番我啦。」我自信地說。
 
「你唔死得醒番又點？咪又係廢柴一條，垃圾一舊。點打得過我兩條蟒蛇？」Leo 開始發脾氣。
 
「咁又係喎，多個Louis都冇乜用。」Man毫不留口。




 
「唔係既，或者佢可以擋到幾秒，夠我走架啦。你地走唔走得切就唔知。」嵐姐居然也這樣說。
 
「廢話少講，蟒蛇，你地去分組啦，搞掂番黎比個list我！」Leo心急了。
 
他既然有兩條大蟒蛇，力量可是壓倒性的，他到底心急什麼？
 
嵐姐和Jelly都擺好架勢，準備迎擊。兩條蟒蛇卻倒頭對著Leo 。Leo更顯得慌張，他再次吹奏魔笛，但既走音，又難聽。兩條蟒蛇竟向Leo步步進逼。
 
「搞咩呀？」Vincent和關家姐問。
 
其中一條蟒蛇突然撲向Leo！他向後閃身避開，隨即用魔笛快速擊落蟒蛇頭上，蟒蛇痛得立即退開。原來Leo都有兩下子。另一條蟒蛇高速鑽到Leo腳下，但Leo反應不俗，立時跳起。不過剛被擊退的蟒蛇趁機噬向Leo。他跳在半空，已無從躲開，這一擊他要吃個正著了……
 
待續