《勇敢者的傳奇：校蟒》: 《勇敢者的傳奇：校蟒》第二季第三、四回

《勇敢者的傳奇：校蟒》
 
第二季第三回
「你講咩話？」我還未相信剛聽到的話。
 
「講笑啫，我緊係唔同意啦！！你想我咁講？不過唔好意思，我的確係話我同意Vincent講，我地分開兩邊行動。」
 
「咩叫分兩邊行動呀？而加擺明就一邊人命換另一邊人命喎！咁都得呀？」我望向阿豪和Man, 等待他們同意我。
 
「Er……其實Leo雖然係onX,但佢都講得岩既，我地一路走黎走去，都唔係辦法架。」阿豪說。




 
我沒想到連阿豪都同意Leo。我冷靜想一想，如果我們九人一同闖出去的成功機會，到底有幾多？如果我們去到地下大門時，才遇到大蟒蛇的話，那確實是應該走得一個算一個。但是如果現在就分開的話，對！
 
「如果而加分開行動，萬一大蟒蛇襲擊既，唔係嵐姐jelly佢地，而係你地班蛋散，咁點？你地咪即死？」我抛出一個強而有力的論點。
 
「我或者咁講啦……」
 
啪！
 
全集完。




 
？？？
 
第二季第四回
 
我相信大家都嚇了一跳。怎麼呢？他怎麼就被擊暈了？對不起，我很久以前就想這樣做。當我用3310 (第一季第一集出現的神器) 重擊落Louis額頭時，那種咔噶，骨頭碎裂的聲音真是動聽。我一直期待事情的發展，我希望Louis與大蛇的對抗會很有趣。可惜，我高估了他，他根本就是廢柴。
 
「你……你做咩呀？」他們齊聲問。
 
我揮一揮衣袖，不帶走一點文彩，優雅地說：「我只不過係想佢靜d啫，佢係到嘈生晒，只會令大家走唔甩。」




 
嵐姐撕下一邊的衣袖，包在Louis的頭上。血，還是不爭氣地流出來。也許，血，渴望離開這頹廢的舊主吧。
 
「你係咪痴左呀？！」阿Man怒罵。
 
我掉出Louis的手機，上面有一則短訊：「把他們帶到九樓，大蛇等候。」
 
「你地睇到啦，Louis根本就係同大蛇一伙既。我只係為大家除害啫。」我說。
 
他們拿起手機看，看他們由驚變怒，我知道，他們相信了。
 
「點會咁架？Louis應該唔係d咁既人黎架！」Jelly說。
 
「話唔埋架。X！諗諗下唔怪得去到邊都撞條蛇啦！」阿豪說。
 




「係囉，我一早話佢變節架啦！你睇，又比我講中啦！」阿Man說。
 
我現在應該好好想一想，到底這個遊戲要怎樣玩下去。
 
「黎啦，我地快d執埋d野，走人啦。」我繼續說。
 
「Er……係……係囉，我地都係快d走啦。不過，Louis點算呀？」Vincent抖震地問。
 
「就算Louis 係出賣我地，你都唔應該咁打佢！」嵐姐突然大喝。
 
哼，你就這點本事就敢這麼兇，要不是遊戲還要玩下去，我第一個就對付你！
 
「嵐姐，你冷靜d先，我咁做都係為大局著想咋。唔係我，可能大家留係到等死咋。」我說。
 
「Leo, 我都覺得你唔岩，就咁亂黎點得？」關家姐也有點意見。




 
不過看大家的反應都不算強烈，看來Louis的人緣比我想像中還要差。
 
颯！ 叮！
 
嵐姐飛射過來的飛針被我用手指彈開了。糟！我懂武功的事，豈不是露出馬腳？