今年暑假，我去咗“機場”打工: 二十四
我靜靜雞，跟埋去。
望多下，冇睇錯，真係陳sir。
睇黎小嵐講嘅野係真嘅。
陳sir真係一個人面獸心嘅咸濕佬。
風姐恭恭敬敬咁，將陳sir送入房間。
「等等呀。。。靚女好快到。」
陳sir超一超風姐，就入咗房。
風姐佢一關上房門，即刻擺出返一副厭棄嘅閪面，仲口噏噏咁，從口形睇得出，佢屌陳sir老母。
然後，風姐行去前台位，應該係搵表哥安排人。
咦！！！！！
弊！如果佢安排到小嵐去。。。。
咁咪。。。唔得掂？？！！！
我放輕腳步，尾隨住風姐。
風姐條臭閪行路時，個屁股左右擺下擺下，一睇就知係性需求過大嘅八婆！
風姐佢，走到前台，對住即刻放低手機，扮工嘅表哥。
「喂，仆街仔，有冇消毒紙巾，我同你買。」
表哥愣一愣。
「吓。。。冇喎，廁所咪有皂液囉。」
表哥語氣，同講「嗰度咪係電話亭囉。」，一模一樣。
風姐托一托眼鏡，道。
「屌！皂液都唔撚夠，啱先條淫蟲出撚咗名，多菌呀。」
「吓，冇喎真係。。。」
風隨即指住表哥話。
「屌，你啲撚樣咪唔㩒撈囉。唉算撚數。喂。32個客，叫小嵐去招呼。」
屌呀！！！！！
仆街喇今鋪。。。。。。
表哥摸住頭講。
「但係，你啱啱先話個客多菌。。。」
「咁點撚樣呀，咁你想我去呀？定你去呀？做野啦屌！。。。」
「哦。。。」
表哥拎起電話。
「唔得！」
我衝咗出黎。
表哥同風姐眼定定望住我。
風姐張開閪口。
「點撚樣呀？你想你去呀？」
「係。。。呸呸呸。唔係，但係小嵐佢唔去得！」
風姐撓埋對手，懶溫柔咁問。
「可唔可以話我知，點撚解呢又？。。。」
「um。。。。。」
如果我同佢講，話個陳sir識小嵐，係小嵐嘅老師。
恐怕，臭閪風姐只會變本加厲咁玩野，更加要小嵐去。
啊！諗到！！
「因為。。。小嵐佢，病咗！唔舒服。」
扮病。
可以話係推job、推活動，最無懈可擊嘅藉口！
「臨開工先黎病？唔撚得，理撚得你嘔血，都要做！」
條八婆明玩野！
「唔得，小嵐佢真係好病。唔去得！」
風姐條臭閪，奸笑一聲。
「哼，咁咪啱晒囉，個客都有病架，兩個交流下病情囉。快啲叫佢出黎呀！」
依一刻，我實在再忍唔住。
未有黑鬼屌你，等我屌咗你先！
我：「你係咪突登玩野呀？！！！」
風姐聽完，叉住條腰。
「而家我係經理！我話邊個去就邊個去！點撚樣吖？」
我：「總之小嵐而家病咗！唔接得客！我而家就帶佢去睇醫生！」
「你咪帶佢走囉。不過你兩個以後都唔駛再返黎，你咁有本事，咪養佢囉！死廢柴！」
「咳咳咳。。。咩事咁嘈呀？」
此時，John哥走了過來。
風姐撓手閪面的道。
「冇。。。依條撚樣，係都唔畀小嵐接客。我咪問佢，係咪諗住養起條女囉。」
John哥望望我。
我：「John哥，小嵐佢。。。真係唔可以接依個客架。」
「咁。。。咁搵第二個去啦，好易解決啫，無謂嘈啦。」John哥豪爽的說。
風姐浮誇地，攤開雙臂講野。（屌！佢睇糖心風暴睇上腦呀？）
風姐：「哦。。。咁仲成世界嘅，個個都係咁，推晒畀其他人做就得啦，咁我駛唔駛幫埋手做呀？」
我細聲道：「你想都冇人要啦。。。」
「你講乜撚野呀？！大聲啲啦！」
「冇。。。」
John哥搖搖頭，走向表哥。
「國仔呀，睇下仲有冇女仔得閒，安排下。」
風姐：「個客講明呀，要純情學生妹呀，唔係個個都啱！」
此時，旁邊有一道弱弱的聲線傳來。
「或者。。。我去啦。」
一睇，原來係上次幫我入休息室搵小嵐嘅，月兒。
風姐一見到月兒做架兩，就即刻開屌。
「關你咩事呀！好得閒呀你？」
John哥行出黎，揚揚手。
「月兒都幾啱個客嘅要求呀，月兒你唔介意吖嘛。」
月兒搖搖頭。
「唔介意呀。」
月兒睇落好像一個好乖嘅小朋友。
John哥眨一邊眼道。
「好啦，咁靠你喇，唔該晒。」
月兒點點頭。
風姐：「喂？真係就咁呀？」條八婆死唔斷氣。
John哥：「就咁啦，相嗌唔好口呀。」
「唉，你咁樣，遲啲睇唔實啲細架喇。」
John哥都費事出聲，淨係揮手示意唔再討論。
風姐條臭閪，知道自己奸計唔得逞，睥一睥我。
我冇驚佢，睥返佢轉頭。
我同風姐，用眼神來格劍。
John哥行到我地之間，拍手，道。
「好喇好喇，搞掂晒，繼續開工啦。」
我向風姐，拋下一個不屑嘅眼神，就行返去前台。
而風姐條仆街，就同John哥一齊走。
一邊行，一邊清楚地講我壞話。
而John哥不停咁用「係咁呀係咁呀？」黎應對風姐。
而月兒，都準備走。
我向佢作出一個合十。
「唔該晒你呀！！！」
月兒溫暖的笑笑，道。
「唔駛客氣。。。」
我坐返埋位，表哥即刻撓住我條頸，盤我。
「喂，你同小嵐咩開係先？做咩咁幫住人？」
「um。。。」
其實風姐條臭閪，遲早都會唱通街，所以我選擇照直同表哥講。
「我，同小嵐，啱啱開始拍拖。」
表哥聽到之後，眼都突埋。
「吓？真架？？？」
「嗯。。。」
然後，表哥佢，表露出一副深思嘅樣子。
「做咩呀？表哥。」
「吓，冇野。」
「點解你咁嘅樣。。。？」
「表弟呀，你諗清楚架喇？」
「嗯，係呀。我同小嵐好夾，大家都好鐘意對方。」
「但係。。。你日日見住小嵐佢，咁樣。。。你唔會唔開心咩？。。。」
唉，梗係唔開心啦。
我成日都會幻想，一巴車落去風姐塊閪面，然之後再拖小嵐離開依度。
但係。。。接下來點做，我就毫無頭緒。
我諗，小嵐佢一定考慮過返啲普通嘅工。
但係佢咁出盡辦法，都想留返喺度，梗有佢難處。
而家嘅我，根本冇能力改變任何野。
唉。。。。
表哥見到我愁眉苦臉，都即刻開解返我。
「啊。。。咁有拖拍，點都係開心事！今晚一於食宵夜！賀一賀佢！！！」
「嗯。好呀，我本身都約咗小嵐同Jessie，加埋你又點話！」
「正呀！」
此時，我見到月兒，佢啱啱拎完用品，準備行去陳sir間房。。。
我向佢揮揮手。
「月兒呀，今晚我請你食宵夜吖！」
月兒諗一諗後。。。
「好呀！」
「好，咁今晚見！」
「嗯。」
「吖！仲有，唔該晒你呀。」
「唔駛唔該我喇。。。我今晚有宵夜食架嘛。」
「嘻嘻。」
之後月兒佢另轉背走。
佢一雙雪白無瑕的美腿，在藍百摺短裙下搖曳，十分養眼。
我留意到月兒佢，好似成日都有心事咁。
啱啱佢答我去食宵夜，我先至第一次，見到佢真正嘅笑容。。。
之後，我wtsapp小嵐，叫佢小心啲。
好彩。。。
後尾有驚無險，陳sir走咗，都冇見到我同小嵐。
我頓時放下心頭大石。
「點呀？駛唔駛去搵下女朋友仔呀？」
表哥一邊打手機game，一邊講。
「um。。。可以嘅話，都好架！」
「哎，行啦，我睇住得架喇。」
「多謝表哥！」
跟住，我wtsapp，約咗小嵐，喺依層，角落少少嘅房等。
「好彩咋。。。」
小嵐捉實我手臂講。
「嗯。。。但係，我最驚陳sir又會黎。」
「唔。。。都唔驚得咁多啦。」
「咁又係。。。」
「係啊，阿邦呀，啱啱我wtsapp紫繞，問埋佢，佢都去食宵夜呀！」
「嘩，咁咪好多人，咁仲駛唔駛我請架？」
「咦，你唔好咁孤寒啦。。。」
「哈哈。。。」
我地相對望的笑。
跟住，小嵐佢突然，錫咗我臉龐一啖。
我摸著臉，笑笑。
小嵐佢，又用水汪汪的眼神望住我。
「阿邦呀。。。冇見一陣，我已經掛住你喇，你有冇掛住我呀？」
天啊，好甜呀。。。。
「嘻嘻，我都有。。。」
我同小嵐，握住彼此的雙手，甜蜜地望住對方。
此時，Jessie路過。
「哎呀，好閃呀。」
Jessie只係打趣一句，然後好快就走咗。
快到，連被我望到佢樣貌嘅機會都冇。
小嵐：「哈哈，好閃咩我地？」
語畢，小嵐甜笑著，倚入我懷中。
我摸摸佢個頭。
而眼睛，望向Jessie的背影。
今日小嵐佢，接嘅客人唔多，有五個左右。
每次見到佢經過，我地都會相對望，笑下。
我發覺小嵐佢比平時，笑容多咗。
可能聽完我開解，佢真係諗通啲。
小嵐佢間唔中，喺休息嘅時候，會wtsapp下我。
「好耶，阿邦，你教我啲野，真係好有用呀。。。」
「阿邦，啱啱個客讚我做得好，仲畀咗好多貼士我呀，我未試過有咁多架。。。」
「阿邦，多謝你呀，我愛你。。。」
唉，身為一個男人。
竟然要教自己女友打丁，仲係幫其他男人打。
我望住啲wtsapp，苦在心裡滲。
真係要認真諗下，點樣可以救小嵐出火海！
唔通我去賣倫敦金？
但要我去呃人成副身家，我做唔出。。。
定係做地盤？
但好難同時返學。。。
唉～
突然間，手機一震。
原來係一個wtsapp gorup加咗我。
"歲月如歌中找你"？
我睇睇，原來個group係Jessie開嘅。
Group入面嘅成員，都係今晚會宵夜嘅。
Jessie：「哈哈，個gorup名係咪好有機場feel呢？」
表哥：「一見到個名，想唱k多過食宵夜！」
發仔：「好彩啱先Jessie加埋我啫，聽講今晚有人請架喎。。。」
我：「係我呀。。。」
發仔：「爽！」
表哥：「今晚佢有野宣布。。。」
發仔：「咩事呀？」
Jessie：「咪話今晚宣布囉！！！等下都唔得咩？」
發仔：「OK！ XD」
我望住手機，再同表哥相望而笑。
但碌碌下，我發現。
唔知幾時，Jessie佢轉咗頭像。
本身係一張，佢去外國湖邊影嘅女神相。
而家就轉咗，一張有雨滴嘅窗邊相。
。。。。。。
轉眼間，到咗落更嘅時候。
表哥同接更嘅朋友，一黎就係咁傾股票嘅野。
我企隔離，冇野講，尷尬症即刻發作。
企咗陣，我頂唔順。
先落去門口。
一落到黎，我發覺，Jessie正係大門外，挨住牆邊㩒電話。。
佢著咗件白色有碎花圖案嘅露肩鬆身衫，下身係條窄身牛仔褲。
有幾個麻甩佬行過，全部都望到Jessie實一實。
我心諗，如果拖住Jessie出街，應該會引來所有男人羨慕嘅眼光。
雖然，小嵐佢都好可愛，但相比之下。
身形高挑嘅Jessie，會搶眼啲。
唉，諗乜鳩吖。。。
我而家。。。行唔行過去好呢？
得我地兩個，我驚會勁尷尬。
同埋如果，Jessie佢又失驚無神，攬住我。
而被小嵐見到嘅話，咁就GG喇。
我踱住步，喺大門口入面行黎行去。
都係，等埋其他人穩陣啲。
點知，Jessie好快就見到我，仲揚手叫我出黎。
我行過去，Jessie佢向我微笑著。
Jessie：「咁早嘅你？」
「係呀，表哥佢同fd傾多下計，我咪落黎先。」
「哦。。。」
我：「你呢，你又咁早嘅。」
「冇呀，臨尾做完個客，都唔夠時間做第2個架啦，咪早啲落黎囉。」
「噢。。。」
跟住，係一片可怕嘅Dead air。
依一刻，我心入面諗。
唔該吖，求其邊個都好，搵個人落黎吖，而家好尷尬呀。。。。。
此時，Jessie打破沉默。
「阿邦呀。」
「係？！」
「對唔住呀，摑咗你一巴。我都唔知點解，自己會咁做。」
Jessie佢望住地下。。。
我：「嗯。。。冇事。。。」
我估，佢嗰刻係嬲我，淨係識搵佢做嗰啲野。
我淨係諗，冇講到出黎。
「Jessis呀，其實，我都想講對唔住。」
Jessie疑惑的望望我。
我續道。
「對唔住呀，我同小嵐一齊咗，令到你唔開心。。。」
Jessie佢，笑住咁講。
「我冇野架喇。。。我諗通咗，我嘅遲啲要出外國影相嘛，你影響唔到我架！你未夠班呀！哈哈。。。」
我抓抓頭。
「係咩。。。」
然後，又是一陣無言。
Jessie佢，又望返地下。
「Jessie呀，加油呀！你一定得架！」
Jessie望住我。
「嗯。」
我倆望望，Jessie再移開目光。
Jessie：「乜。。。佢地咁耐架。。。」
「係囉。。。」
「。。。。」
「阿邦呀。。。」
「嗯？」
「你以後要好好錫住小嵐呀。佢好似細佬女，好需要人照顧架。」
「嗯。。。我會架喇。」
「仲有呀，阿邦呀？」
「係。」
「你。。。揀小嵐，而唔揀我，係咪。。。因為我老呀？？？」
吓？？！！！
我嚇到差啲扒低。。。
「唔係呀！！！Jessie你好好，我高攀唔起你添啦。我曾經諗過，如果同你一齊出街。。。肯定好多人望架。。。。」
屌，我究竟講緊乜。
只見，Jessie佢原本裝正經的臉，露出了笑容。
「玩下你咋，傻仔。咁都呃到你架。哈哈哈哈。。。」
「吓？係咩。。。哈哈。。。」
我尷尬咁望住Jessie。
Jessie佢笑得好開心。
我好似，成日都畀佢玩咁。
但冇所謂啦，如果佢可以開心返，點玩我都得。
我一直望住Jessie開懷的笑。
我想再開口講野。
但依個時候。
小嵐、紫繞同月兒，都啱啱落咗黎。
我收返想講嘅說話。
小嵐佢，撓住咗紫繞手臀，盪下盪下咁行過黎。
一黎到，紫繞就無可奈何地問。
「啊。。。可以放手未呀。。。。」
而小嵐就撓的更加緊。
「唔得呀。。。」
睇黎小嵐嘅天真，可以令紫繞嘅mk味冇咁重。
Jessie：「好，仲差啲男仔啫。」
紫繞佢一聽到，即刻笑笑口咁抽我水。
「係咩？咁阿邦唔係男仔呀？」
好多嘴嘅mk妹啊！！！！
月兒佢，聽完暗暗咁偷笑咗下，然後心虛地掩住口。
Jessie都笑笑，應道。
「阿邦係咪男仔，要問小嵐先知喇。」
「吓？點解嘅？」紫繞疑惑。
然後，小嵐佢鬆開咗撓住紫繞嘅手，走過我旁邊，撓住我手臀。
紫繞望到後，驚訝到掹大咗個口。
而月兒就微微笑，睇黎佢一早睇得出。
「喂，傾緊咩呀？」
表哥同發仔都行埋出黎。
發仔見到我同小嵐撓住手。
「嘩？唔係咁爆呀嘛？」
我點點頭：「嗯！」
我拖住小嵐隻手，向大家正式宣布。
「我同小嵐，喺埋咗一齊。」
聽完之後，佢地都拍手，祝賀我同小嵐。
「嘴佢嘴佢。。。」表哥帶頭起哄。
小嵐佢，怕怕羞羞咁，撓實我手臂。
而Jessie佢，就開口幫我解圍。
「嘴咩呀，諗下食咩好過啦！」
「係喎，食咩緊要喎。」
眾人開始討論食咩。
我望望身旁嘅小嵐，佢又望住我。
我細聲道。
「又想食奶皇包呀？」
小嵐佢搖搖頭：「唔啦，睇大家想食咩。」
但係，眾人仍然未傾到食咩好。
發仔講：「不如食打冷啦，我想啤一啤。」
「好喎。。。」
眾人都十分贊成。
行去打冷嘅途中，我同小嵐，拖住手，行隊尾。
入咗深夜嘅旺角，零舍有感覺。
燈火通明嘅小食店、一班啱啱飲完酒嘅男女、推住紙皮嘅婆婆。
依啲都係旺角黑夜嘅景色。
小嵐拖住我隻手，高興的fing。
「阿邦呀，咁多人去食野，好開心呀。」
「嗯。開心呀。」
「嘻嘻，不如以後，我地都多啲咁樣去食野。」
「好呀，但係。。。」
「但係咩呀？」
「但係，就唔好係我請，咁嘅話，我荷包唔得掂。」
「哈哈，傻佬。」
小嵐佢，用水汪汪嘅眼睛望住我。
然後佢錫咗我塊面一啖。
點知，Jessie咁啱另過黎見到。
佢扮睇唔到咁，另返向前。
打冷店內，我地眾人，舉起酒杯。
「今晚一於不醉無歸！！！！！」