今年暑假，我去咗“機場”打工: 二十二

之後。。。

我同小嵐拖咗手。



小嵐隻手，好纖細，我隻手包陷晒佢。

而且佢隻手有啲涼，而我隻手好熱，啱啱好。。。






我倆拖住手咁fingfing下。

而一刻，我幸福到，懷疑自己係咪發緊夢。

時不時會低頭甜笑。

小嵐見到，用另一隻手搥搥我。





「唔好笑啦，成個傻佬咁呀你。」

「咁我。。。開心吖嘛。」

我又掩住嘴笑。

小嵐沒好氣的搖搖頭。






我倆拖拖下，就到咗巴士站。

當巴士到站了，我都唔捨得甩開。




小嵐：「要拎八達通喇，一陣先拖啦。。。」

我：「吓，單手拎咪得囉。」



小嵐：「唔得呀，我銀包係背囊入面。」

我：「好簡單啫，我幫你拎啦。」



我將另一隻手，穿過我倆之間，伸手入佢背囊。

成個動作有啲柒，搞到後面對情侶都笑鳩我地。

小嵐紅都面晒咁低著頭。

但我卻依然覺得好幸福。。。

上咗巴士上層，我地揀咗後排少少坐。



坐低之後，我地又係拖返手，實一實咁拖。




小嵐對住我，嬲嬲咁細聲講。

「最衰都係你呀，畀人笑喇。」

「哈哈，唔緊要啦，咁樣畀人笑，都開心呀。哈哈。」

「哼！都費事理你呀！聽歌先。。。」






小嵐摷摷下背囊，才晃然大悟的道。

「係喎，個耳筒跌咗。。。。。」



唔講唔記得。。。

尋晚畀個mk撞跌咗個耳筒，先會發生咁多野。。。



諗返尋晚，我戚戚然的道。



「小嵐呀，你估。。。我遲啲係咪要坐監吖嗱。」

「唔會啦，捉都捉我，個耳筒係我架嘛。。。」

「但係，人係我斬，把刀又留咗喺嗰度。。。」

「。。。」

本來甜蜜到漏嘅氣氛，變得愁雲慘霧。。。





小嵐默默的望一望我，然後向我展露出一個開朗的笑，再問。

「阿邦呀，你想唔想聽歌呀？」

「吓。。。少少想啦。」

「咁不如我唱畀你聽吖！」

「吓？依度？」

「嗯！」小嵐點點頭。




我揚起嘴角，再用普通話講。

「但是，神經病才會在這裡唱歌呀。。。」

小嵐皺一皺眉。

「吓？做咩冇啦啦講普通話嘅？」

估唔到，小嵐連少林足球都冇睇過。




突然間，我諗起上次Jessie同我兩個一齊扮，頭D阿木嗰次。。。


「喂喂，咁你想唔想聽？」小嵐以天真嘅語氣問。

我點點頭。

「嗯。。。想聽，你唱吖。。。」




然後，小嵐用雙手，把我的左耳圍住。

再湊過來，在我耳邊唱。



「差不多冬至，一早一晚還是有雨，當初的堅持。。。」




小嵐的聲音，很甜美。

很近的，在我耳邊環迴。

她的呼吸，不斷撩逗我的耳洞。

嘻嘻，怪癢癢的。。。。





「點呀？好唔好聽呀？？？」

小嵐睜大水靈的眼睛，渴盼的望住我。

看著小嵐，我又著迷了。




「嗯。。。好好聽。」

小嵐笑笑。

「嘻嘻。咁到你喇！唱歌畀我聽吖。」

小嵐側著耳，向我湊來。





我照樣，用手圍住她的耳邊。

然後湊近去。

但是我沒有唱歌，只是輕輕的說。

「小嵐，我愛你。」






小嵐聽完，甜蜜的笑著低一低頭，然後再望住我。

接著她用雙手，圍住了，我的嘴巴，再湊近。

我們親吻起上來。

成程車，我同小嵐輪住唱歌畀對方聽。

過程開心，到差啲唔記得落車，要跑落黎。



落咗車之後，我向小嵐伸出手。

「拖返手吖。。。」


但小嵐扁住嘴，搖搖頭。

「唔喇，陣間畀同事見到點算。」


「吓。。。咁呀。。。好啦。」

我左手拖住右手。

小嵐笑笑。




此時，身旁傳來一聲。

「哦！！！！！」




我地立即另去望。

「哼！好一對奸夫淫婦呀。。。」

咁撚口臭嘅，唔駛講都知係臭閪風姐。



「原來你地，真係有野！」

風姐手指指咁行過黎。



「風姐你好。。。」小嵐低低頭道。


而我就擺出臭臉：「風姐你好。」



諗返起，如果唔係依條臭閪，專登要小嵐去應付黑超怪嘅話。

我都唔駛冇啦啦幫人打飛機！！！



風姐佢戚住個死人嘴，再問。

「你地係幾時搞埋一齊架？吓？」



我同小嵐互望一下，無言以對。

風姐托托副淫賤眼鏡，再道。



「好！死靚仔。我以後唔搞你，搞你條女。以後，所有皮膚病嘅客，都要小嵐接！」






死臭閪！！！！！！

最衰我冇錢，如果唔係，我一定會即刻叫小嵐唔好撈。

另外再請幾個黑鬼，綁起風姐黎屌！！！



但係現實。。。

我冇錢，又冇權，只係一個借關窿嘅窮學生。。。




所以，我只好。。。

「風姐。」

「哼！點呀？」風姐戚戚嘴角。



「對唔住！以前有咩得罪，請你。。。原諒我。」

小嵐望住我。



風姐撓埋雙手：「咩話？聽唔係好到喎！」



我再大聲講一次。

「對唔住風姐，請你大人有大量！原諒我！我以後唔敢喇！」

我再作一個90度鞠躬。



一陣之後，風姐開口。

「你唔好咁啦，我就快要喊喇。。。」

咦？估唔到風姐都係性情中人。。。






點知，風姐再講。

「你再咁撚樣扮衰仔，我就黎笑到喊喇！哈哈哈哈。。。」




唉。。。正臭閪！



我企返直個人。



風姐再道。

「死靚仔，你得罪錯人喇，以後睇我點樣玩殘你地啦。。。」




語畢，臭閪風姐就走去。









唔知。。。

請一個黑鬼，究竟幾錢呢？


畀臭閪風姐搞搞下，我同小嵐都冇晒心機。

行咗一陣，小嵐打破沉默。





「阿邦呀。。。啱啱要你，咁樣講。。。唔好意思。」

我抓抓頭，羞都怕埋。



「哈哈。。。唔緊要啦，睇下個臭閪惡得幾耐！」

說完我掩住嘴，咁講好似太粗魯。

小嵐只是笑笑，冇乜野。





我同小嵐，一直行去機場。

沿路冇拖手仔。。。




此時，我有一下wtsapp。

原來表哥話佢會遲啲，叫我返去先。

唔講都唔記得，要約表哥返工。

睇黎我太沉醉同小嵐嘅幸福。





當我同小嵐去到門口時。

身後，有一道聲音。

「Hello。」

另轉頭。

係Jessie。。。

今日Jessie，又係著白色逼爆Tee。

笑容，與平日一樣開朗。



「喂！你地。。。又會一齊返黎嘅？」

估唔到，Jessie會突然咁問，我口啞啞唔知點答。

小嵐都一樣。




「做咩呆晒咁嘅你地？」Jessie續問。



小嵐比我快反應過來，她揮揮手答。

「唔係呀，我地咁啱撞到架咋。。。」



Jessie望一望我。

我呆呆的點頭。



然後，Jessie用疑惑的眼神，湊近我同小嵐。


「真係咁啱？。。。」

「係呀。。。哈哈。。。」小嵐傻笑道。



Jessie突然的，按住我同小嵐嘅膊頭。

之後，再將我地兩個拍埋一齊。

再開朗的說。




「一齊咪認咗佢囉，你地咁襯！。。。」



我一直默不作聲的望住Jessie。

Jessie佢，並唔係真心笑緊。




小嵐尷尬地，望一望我。

「um。。。」




此時，我開口。

「Jessie呀，我同小嵐。。。」

「好耶！」

Jessie打斷了我。




Jessie儘管嘴巴在笑，但眼神卻顯露出愁緒。

她道。

「哈哈！既然咁開心，要請食飯架！」

我默默的點點頭。

「嗯。。。。」




Jessie拍手。

「好耶。。。有飯食。等我諗下食咩先。遲啲同你地講吖。」

「嗯，好。」

「哈哈。。。咁我。。。入去先喇，你地。。。慢慢啦。」



小嵐：「唔駛啦，我地都。。。」

我捉一捉小嵐手臂。

「咁。。。我去7仔買啲野飲先。」



Jessie點點頭。

「嗯。。。拜拜。。。」





喺Jessie轉身嗰一刻，她終於放下勉強的笑容。

之後我同小嵐，過咗隔離7仔。

我全程，都諗緊Jessie。。。。。


佢另轉面嗰下嘅愁容，一直喺我腦海中，揮之不去。




小嵐同我，行到雪櫃前。



「阿邦，你想飲咩呀?」

「。。。。」

「阿邦。」

「吓？？咩呀？」

「你。。。想飲咩呀？」

「哦。。。我揀下先。」




我望住雪櫃，塊玻璃映照出我。

究竟我，有咩資格，令Jessie咁難過。





「阿邦，你諗緊咩呀？」

「吓，冇呀。。。諗緊飲咩咋嘛，我不嬲都要揀好耐架，哈哈。」

「哦。。。」

小嵐面脹脹咁點頭。

睇黎佢都睇得出，我隱瞞住些感受。




跟住我求其拎咗支綠茶。

而小嵐佢就拎咗支巨峰葡萄。




小嵐話，佢以前最鍾意飲QOO嘅青提子汁。

但唔知幾時開始，開始好少地方有，所以而家好少飲。




之後，個傻妹仲扮個QOO嘅公仔樣，將塊面谷到脹卜卜咁嘟嘴，再閉上眼。

我甜到心底裡，微微一笑，然後錫咗佢個小嘴一啖。




「喂呀。」

小嵐霎時睜眼，再搥打我。

「你傻嘅咩，陣間畀人見到喇。」

「哈哈，見咪見到囉。」

「哼！」



哼完，小嵐兩手擺擺咁步走。

「喂。傻妹，你支野飲未畀錢呀。」

「係喎。」



小嵐回頭吐一吐小舌，再小碎步咁走返黎。


我同小嵐一出7仔。

我撞到一下熟悉的柔軟。

係紫繞。。。



「啊！你係咪想死呀。。。又係你條死剷？」

紫繞指住我黎屌。。。

「唔好意思。。。唔好意思。。。」

我連番點頭，唔係出於歉意，而係驚佢搵人斬我。

畢竟，我已經第二次撞到佢個胸。




但紫繞跟住，只係超一超我，睇落唔係好嬲。




「紫繞！咁啱嘅。」

小嵐從我隔離，衝過去撓住咗紫繞隻手。

好彩紫繞唔係男人，如果唔係，我一定會懷疑自己帽已綠。

睇到佢地咁親密，我問。



「你地。。。好friend架？」


小嵐點點頭，道。

「嗯。我之前畀風姐鬧到喊咁滯，阿繞佢就沖咗杯雜果賓治畀我飲，我就即刻開心返晒。」

小嵐再撓實啲紫繞。


而紫繞就用手，隔擋住過份熱情的小嵐，再道。

「你個傻妹，請你飲杯野啫，唔駛報恩咁款嘅。。。」



小嵐把頭倚在紫繞肩膊，我好似有少少呷醋。。。



我：「你地。。。唔駛痴咁埋吓嘩。。。」

「係囉。。。」

紫繩說完，用手掌放在小嵐臉上，將佢推開。




「唉！唔講喇，我飲去買支咖啡飲，好眼瞓。。。」

小嵐：「點解嘅？」

「唉，唔好提。尋晚牛頭角單野囉，你地冇睇新聞咩？」








？？？！！！！！！？？？？？！！！！！





我睜大眼講：「有呀有呀！！！話有6個人被人斬吖嘛。。。」

紫繞：「係呀，就係依單。」

「咁。。。你知發生咩事？」

紫繞點點頭。



「咁。。。咩事呀？」我緊張的問。

「講你知做乜，你有份斬咩？」

「吓。。。冇。。。得個gigi姐（知字啫）。」



小嵐都緊張得，捉住紫繞手臂。

「阿繞你講啦。。。」

「講喇講喇，你放手先啦。。。」


小嵐聽話的縮起雙手。





「話說，有幾個南亞仔，偷咗油雞啲貨。。。」

「吓？油雞？油雞都要偷？」

紫繞拍一拍我頭。



「妖！油雞係個人呀！嗰幾個南亞仔偷咗佢啲粉呀！明未呀。」

紫繞嘴臉十分mk。



我：「哦。。。油雞？？佢同肥叉好friend架？」

「點會friend啫，都唔同字頭。。。」




「咁。。。跟住呢，油雞於是。。。就搵人斬佢地？」





我同小嵐，眼甘甘咁望住紫繞，等佢答案。


「係呀！油雞尋晚做野黎呀！」

「真？？？！！！！」

「嗯，但班南亞仔，圍威喂，咩衰野都做齊晒，遲早都一定畀人斬架喇。」




我恍然大悟。。。

原來，尋晚班黑衣人，係隻油雞嘅人，搵班mk尋仇嘅。

唔怪之得，班mk個樣咁驚啦。。。



「嗯。。。咁我入得去買咖啡未呀？」

「咪住先，問埋先。咁。。。油雞佢地，唔會被人拉咩？」

「拉咩啫？都冇證冇據！撈得偏嘅人，做嘅野未必乾淨，但做完野，一定會清理得乾乾淨淨。」

「即係。。。」

「即係佢地已經清理好現場，唔會被差佬搵到證據。」




小嵐都追問。

「咁。。。紫繞你？？？」

「本身唔關我事嘅，但因為我老豆係老叔父，要主持公道，所以尋晚成村人黎咗我地屋企開大會，咪搞到我冇覺好瞓囉。。。」



紫繞語畢，打了一個呵欠，再道。

「妖，同你地講咁多做乜啫。晒氣。。。」




紫繞想走入7仔，我拉住佢手臂。


點知。。。

紫繞佢一下厲睥，嚇到我即刻鬆手。




「冇。。。想問多下啫。咁。。真係，一啲線索都唔會留低？」

「係～呀。。。你咁有興趣，係咪想我邀你加盟呀？」

「哈哈。。。咁又唔駛。。。」


「嗱！好喇！你地唔好再捉住我喇！！！」




語畢，紫繞輕盈的跳入去7仔，驚死我地捉住佢咁。







我同小嵐，興奮到捉住對方雙手，開心咁跳彈咗幾下。



我：「如果油雞佢地清理得咁乾淨，應該連我啲證據都唔會留低啦。。。」

「嗯。。。冇事喇冇事喇。。。」

「耶！！！！！」


但好快，我同小嵐收拾返冷靜。

因為驚畀同事見到，以為我地痴咗。




等咗依刻，我終於如釋重負。。。。。