今年暑假，我去咗“機場”打工: 十三
Jessie：「點呀？係咪好爽？」
我剩餘半點力氣，點頭：
「嗯，係呀。」
Jessie：「咁你。。。」
「咩呀？」
「好似好衰咁，但係，不如你走先。。。」
「吓？咁急？」
「係呀。。。依度不宜久留。。。我驚爸爸媽媽佢地會懷疑呀。」
Jessie一副擔心樣，眉頭都鎖住。
咁樣，我都好難堅持留低。
我：「咁。。。好啦。」
「嗯。」
Jessie企起床邊，著返好件恤衫，扣起鈕扣，
我爭取時間，望多幾眼。
「喂呀！咸濕仔！」
「嘻嘻。。。」
Jessie走到旁邊的儲物櫃搵野。
我：「Jessie呀。。。」
Jessie望望我：「嗯？」
我：「。。。都係冇野喇。」
Jessie顯出不解的表情。
然後，佢從櫃入面，拎咗啲濕紙巾畀我，用黎抹巨龍。
簡單清潔完，著返好啲衫褲後。
Jessie小心翼翼打開門，肯定伯父伯母都唔喺廳之後。
我倆躡手躡腳行到大門。
我出咗門外，Jessie在門內。
Jessie又再展露出，窩心的微笑。
「咁聽日見啦，阿邦。」
「嗯。。。聽日見啦！」
「拜拜。」
「Jessie呀。。。」
「咩事？」
「我呢。。。會負責架！」
Jessie揚起嘴角，然後用好似睇住小朋友嘅眼神，望住我。
「傻仔，我地又冇咩到，邊個咁得閒要你負責啫。」
「吓。。。哦。。。」
Jessie哄近我。
這次，她親吻我的額頭，嘴唇停留了幾秒。
感覺，是不一樣的溫暖。
Jessie站返好，面對住我，甜笑著揮手。
「拜拜啦傻仔。」
我都笑著回應。
「拜拜。。。」
歸家途中，我在巴士上，不斷在想，我和Jessie之間的關係。
明明有個比我條件更好，更適合Jessie的男人，但佢拒絕咗。
偏偏選擇和我這樣。。。
可笑的是，我們做了很多事，但又不是情侶關係。
我靠在窗邊，馬路中的街燈。一盞接著一盞，擦身而過。
我想到，或許因為，我們都害怕，為這段關係，給予承諾。。。。。
返到屋企，我沖完涼，躺在床上。
攞住手機，開咗whatsapp。
等咗一陣，沒有訊息。
我便睡了。
一起身，又要面對一個難捱的上午。
好期待返工呀！！！
唔知。。。今日會唔會見到佢呢？
諗諗下，唔係喎，做乜要鳩估啫？
whatsapp表哥咪知囉！
表哥回答我，今日係返K！
「YES！！！」
我食住件多士，握出一下拳頭。
老母係隔離，望到呆咗。
上午的時間，用打機黎消磨掉，眨下眼，又係時間返工喇！！！
我照樣約咗表哥地鐵出口等。
今日，都係見唔到紫陰妹。。。
我同表哥會合，然後行去。
入到門口，前台企住嘅，依然係“閪面”阿亮。
阿亮照舊當我同表哥隱形。
表哥同我都費事理佢。
但係。。。我突然諗返起，阿亮面對叢林個驚青樣。
跟住忍唔住笑咗出聲。。。
阿亮詫異咁望一望我。
我又望一望佢。
嘩，佢對黑眼圈又大對咗。
又難怪嘅，返工又要搞，放工又要搞。。。
仲要做埋隱蔽訓練。
我忽發奇想：如果阿亮生日，禮物應該送修毛剪刀好吖？定係浮潛面罩好呢？
諗諗下，都係剪刀好！
送浮潛面罩嘅話，太麻煩。
因為仲要突登開個窿，畀佢向叢林脷伸。
我同表哥換完衫之後，上到２樓。
根據上一次經驗，而家嘅鐘數尚早，應該冇乜客人。
結果，不出我所料，水靜河飛。
我同表哥，唯有玩下手機過日晨。
我上上下連登，收到個whatsapp。。。
係小嵐！
小嵐：「阿邦，你今日有冇返工呀？」
我：「有呀。」
小嵐：「咁你返咩更？」
我：「返K呀。」
小嵐：「咁。。。你而家，多唔多野做呀？」
我：「冇呀，好得閒，玩緊手機咋。」
小嵐：「我都係。咁你。。。而家可唔可以教我？」
要黎嘅，始終都要黎喇！！！
我：「好呀！行開一陣，應該冇問題嘅！」
小嵐：「好耶，咁５分鐘後，上３樓，６２號房啦。」
我：「好呀！哈哈，今次應該唔會再撞到風姐佢地啩。。。」
小嵐：「哈哈。。。應該唔會啩！」
我：「咁陣間見！」
小嵐：「好。」
終於，要上第一堂！
有啲緊張添，但好彩，今日上午無聊時，我已經諗過點教好。。。
小嵐今日，依舊著住低胸水手服。
好呀！配合晒，今日嘅主題。。。。。
我倆正站在房內。
「Hello，小嵐。」
「Hello，阿邦，多謝你肯教我呀！」
小嵐一個鞠躬。
答謝時。。。。是常識吧。
「嘻嘻，唔駛客氣，或者陣間我要多謝你呢……」
「吓？」
「冇野。。。咁我地開始喇！」
「嗯！」
我將手，放在小嵐肩膀上，佢冇警覺，太好喇…
然後，我倆走向按摩床，再坐在床邊。
我：「咁呢。。正所謂工欲善其事，必先利其器！教學都係一樣。」
「係。。。」小嵐專心地聆聽。
「淨係用口講呢，我怕你會聽唔明，最好係落手示範！」
「嗯！」小嵐傻氣地點頭。
嘻嘻，我心裡笑了。
「咁。。。為咗教學更加有質素。所以我決定。。。犧牲自己！用我嘅JJ，黎作示範。。。」
小嵐吃了一驚。
然後她頭耷耷咁，顯得猶豫。
我坐近她，把手搭在小嵐滑嫩嘅大腿上，繼續道。
「冇計架喇。。。你想唔想學吖？」
「想。。。。。」
「咁咪係囉！我都係為咗你好架咋。」
「咁。。。」
我奸陰一笑，道。
「咁你，首先幫老師，整脹下面先啦。。。。」
「啪！」
「哎呀，好痛呀…」
表哥冇啦啦，皇天擊殺我個頭，再道。
「你條淫棍，諗緊咩呀？笑得好衰呀！咪撚柒笑啦！」
唉，咁樣被人從美好的幻想中，屌返黎現實。
「咩啫！我…… 諗返起，今朝打機啲野咋嘛。」
「係咩？睇落唔似喎。你個樣笑到，就黎夢遺咁款喎。。。」
「邊有啫。。。」
「哼。」
說完，表哥又再拎起手機。
此時，我又道。
「係喇！表哥呀。」
「點？」
「今日都係冇乜人咁。」
「係呀，平日吖嘛，又依個鐘數，係咁架喇。」
「咁。。。我想行開一陣，傾個電話。可能會傾耐啲，得唔得呀？」
「你個衰仔，啱先笑得咁淫，而家就話傾電話。點呀？打畀條女呀？約今晚出火呀？」
「唔係囉，都話咗冇女。。。」
「我實信你啦。。。」
「妖，咁即係得唔得啫？」
「得就得，但係你同我講，今晚去邊先。」
「唉！都費事同你講。」
我行出前台，回頭道：
「我行先喇。」
「嗯！不過，如果我打畀你，你要聽電話喎。」
「好！收到！」
語畢，我拐入樓梯，走上３樓。
我摩拳擦掌。
嘻嘻，唔知。。。情況會唔會係，我幻想咁呢？？？
上到３樓。
依舊燈光黯淡，死氣沉沉。
我近乎摸黑咁，終於行到去６２號房門前。
穩陣起見，望一望入去先，費事又見到人食海鮮。
好！入面冇人！
再望兩望兩邊。
都冇人！
然後我zip一聲入咗去。
尋晚睇嗰套《阿亮的叢林歷險記》，令我獲益良多！
我專登帶咗一張白紙同膠紙，用黎黐住塊玻璃，等出面睇唔到！
另外，我仲拎咗個門攝黎。陣間攝住道門。
咁就唔驚上上下堂，畀人撞入黎啦。。。
哈哈，我實在太聰明喇！！！
趁小嵐未黎，黐好張白紙先！
好！搞掂！
而家萬事俱備，只欠小嵐！！！
此時，門漸漸打開。。。
由於尋晚喺Jessie屋企，畀伯母亂入過。。。
搞到我而家，見到有人開門，都有少少驚驚地。
門縫中。。。邁入了一條白滑美腿。
今次沒有意外，進來的，果然是小嵐。
小嵐今日，依舊著住低胸水手服。
好配合今日嘅主題。。。
我不禁偷望咗下，小嵐嘅乳溝，同埋佢短裙下嘅美腿。。。
「Hello，阿邦。」
「Hello，小嵐。」
「多謝你肯教我呀！」
「唔駛客氣。。。咁我地開始喇！」
「嗯！」
依照劇本，我而家應該將手放在小嵐肩膀上，但係，幻想歸幻想。。。
現實係，毒撚性格嘅我，唔敢咁進取。。。
我同小嵐並肩走向按摩床，然後我倆坐在床邊。
好啦，人我唔敢掂啫。
但係！對白，一定要跟返劇本講！！！
「咳咳。。。小嵐呀。」
「係！」小嵐認真地點頭，有啲架妹feel。
「咁呢。。。正所謂工欲善其事，必先利其器！要明白。。。教學都係一樣嘅！」
「係。。。」小嵐專心地聆聽。
很好，劇情好順利！！！！！
「咁我講解嗰陣呢，冇理由。。。淨係用口講架嘛，最好落手示範埋！」
「嗯！」小嵐傻氣地點頭。
哈哈哈哈。。。 黎喇黎喇！！！！
我一本正經的道。
「咁。。。為咗教學更加有質素。所以我決定。。。」
此時，小嵐舉一舉手，打斷咗我說話！
心諗：屌！畀我講埋先得唔得啫！！
現實，我淡定的問。
「係，咩事呢？」
小嵐皺著眉，認真的道。
「阿邦你講得冇錯！道具，的確好重要！好彩我早有準備！」
吓？你早有準備？咁我點呀？？？
唔通你又有鳩？
小嵐企咗起身，然後行埋黎。
我提起雙手，以防小嵐，會做啲意想不到嘅行為。
點知，小嵐行過咗我，走埋去茶几度。
我黑人問號：咩事呢？？？
只見，小嵐在茶几前踎底，然後從荼几櫃桶，拎咗一支野出黎。。。。
嘩！咩黎架？假鳩？
但係點解，碌假鳩，係綠色嘅？
唔通。。。。。小嵐係Marvel迷？
我尷尬咁笑住問。
「支野幾趣致喎。。。咩黎架？」
「依個？練習工具囉，一支夠唔夠？唔夠我屋企仲有。。。」
屌！唔係啊！我要知依支野嘅真正身份呀！
佢壞撚咗我好事呀！！！！！
我依然表現淡定的道。
「哦。。。道具。。。咁依支野，本身係咩黎架？」
「依支咪係保濕Gel囉，幾好用架！唔只搽面，搽手，搽頭髮都得！你想要？畀你吖。」
小嵐將支綠色假鳩，隊到我嘴巴前。
「哈哈，唔駛喇。。。」
我心諗。。。。。。。。
屌！！！
好地地一支保濕Gel。點解品裝設計成，一碌假鳩咁樣？
係咪畀啲女人，吱啲Gel出黎，再搽喺碌野嘅外圍。
咁就會有另一個用法呀？？？！！！
好喇，就算係正常咁用呀。
試問，喺碌假鳩入面，吱啲精華出黎，再用黎搽喺塊面。
成個過程，唔覺得好猥瑣嘅咩？
我認為，依碌野，簡直係男權主義嘅終極代表！
等你啲女人仲懵盛盛，用得咁開心！！！
「阿邦呀。。。你望住支野，諗緊乜呀？你想要嘅，我可以畀你架！」
小嵐又隊碌假鳩埋黎！
「真係唔駛喇。。。哈哈。」我尷尬笑道。
唉。。。如意算盤打唔響。
算啦，唯有用住依碌野，照教啦。
點知，我一揸碌野上手嘅時候。
「鈴鈴鈴鈴。。。」
手機的電話鈴聲，娓娓傳來。
唉，表哥！
你咁搞法？我好難幫你架。。。
睇黎，潛水面罩要買多個畀你。
我向小嵐道。
「唔好意思，我聽個電話先，可能係我表哥搵我。」
我拎出電話。
我發現：咦！原來唔係我部電話響喎。。。。。
此時，我望向小嵐。
只見小嵐，低下頭，手震震咁，拎住部手機。
我望一望佢手機嘅顯示。
風姐
「又會咁啱，我地用同一個鈴聲嘅。。。哈哈。」我打趣道。
然後，我再望返小嵐。
佢仍然低頭，手喺度震緊。。。
小嵐做咩事呢？蓄緊氣？就快進化呀？
「哎。。小嵐呀。。。你冇野吖嘛。」
小嵐口都震埋咁，回答我。
「冇野。。。我有。。。啲驚。。。聽。。。風姐。。。電話啫。。。」
大佬呀，唔駛咁震呀嘛？
「雖然係咁啫，但係好似聽電話好啲喎。。。」
「哦。。。都係嘅。。。」
小嵐慢慢提起電話，佢仲係成身震緊。
唔講，仲以為係綁架匪徒打畀佢。
小嵐終於接起電話。
「喂。。。哦。。。嗯。。。好。。。」
小嵐簡單地用依四個字，通完依個電話。
之後，佢又低下頭。
「哎。。。風姐搵你，做咩事呀？？？」
小嵐慢慢抬起頭。
「嗚啊。。。。。」
小嵐大喊咗出黎。
佢兩邊嘅淚痕，好似爆水喉咁，不停漏水。
「你唔好喊住先啦，咩事呀？」
「嗚。。。風姐佢，佢叫我去招呼客人呀。。。」
「咁。。。都唯有去住先啦。最多我遲啲先教你啦。」
「教我？我諗冇機會喇。。。」
「點解呀？」
小嵐拎出包紙巾，抹抹眼淚，再道。
「依度。。。有規定，如果一個禮拜之內，畀人投訴３次，就冇留低架喇。。。」
「咁你而家。。。」
「已經第二次喇，黎緊再畀人投訴多次，我就冇得做喇。。。」
「咁你又唔駛咁灰嘅。或者今次，個客人好滿意呢。」
「本來都有機會嘅，但係。。。風姐話，個客人，之前投訴過我架喇。。。」
投訴過小嵐？
２１號房？
唔通係。。。。
長髮鼻環佬？？？！！！
小嵐續道。
「嗰個客人，留好長頭髮，又穿鼻環，睇落好得人驚架。。。」
屌！真係佢！
唉。。。
如果我教過小嵐，起碼都有少少機會，可以扭轉賓周。吖唔係，係扭轉劣勢。
但係。。。我都未開始教過小嵐。
而且，個超級小黑咪，一睇就知好難服侍。
我望住小嵐騰晒雞個樣。。。
條臭閪風姐咁做，擺明係想整走小嵐。。。
唉，點算好呢。。。
小嵐呻咗兩下鼻水，再道。
「個客呀，仲要好怪架，次次黎，都會帶道具。。。又皮鞭啦，又手扣咁。。。」
「吓？佢用依啲野整你地？」
「咁又唔會，啲野，係叫我地，用落佢度。。。」
「吓。。。咁變態？？？」
「嗯！上次我太驚，唔敢鞭佢，所以就畀佢投訴。。。」
「嘩！依個世界，真係乜野人都有。。。」
「咪係囉。。咁。。。而家點算好啊。。。嗚嗚。。。」
小嵐雙手掩住面喊起上黎。
我繞住手，低頭沉思，有咩方法可以幫小嵐呢？。。。
結果，我諗到了。。。
我同小嵐，行落樓梯，落返二樓。
小嵐要去休息室，執起啲用具，我繼續陪佢行。
途中，我地撞到塊閪。。。
「做咩呀你地兩個？一齊行嘅？偷情黎呀吓？？！！！」
我淡淡然回應。
「冇。。。去咗食毛蟹啫。」
「食乜春野蟹呀？痴孖筋！」
風姐瞧瞧小嵐，然後粗魯地用手指，指住小嵐。
「你呀！快啲行啦，個客等緊呀！」
小嵐全身震一震：「係嘅。。。風姐。」
然後，風姐露出一個，有如豺狼般奸險的笑容。
「提下你，今次個客。。。又帶咗玩具黎呀，你搞得掂架可？？？」
小嵐只是頭耷耷，聲都唔敢聲。
見到風姐個死人樣，真係好想拎碌假鳩扑濕佢！
依個恃勢欺人嘅臭閪！
我突然間諗到。
「咪住！分配人手，John哥應該都有權話事！我打畀John哥問下佢意見先！」
風姐完全沒有懼色，照樣奸笑的道。
「你慳啲都得喇，阿John佢今日返咗鄉下探佢老母，所以，而家得我話事！」
豈有此理！
又會咁嘅。。。
咁嘅情況。。。。。唯有！
「風姐！點解你今日睇落，咁鬼省鏡嘅，你對眼影。。。」
「屌！！！收皮啦你！冇撚用架依招。」
算你條臭閪狠！！！！！
風姐走到小嵐面前，再烏低身，哄近小嵐。
雖然而家唔係時候。。。
但係，我情不自禁咁，望住風姐恤衫條罅。
佢今日著住粉紅色蕾絲Bra，好鬼淫蕩。
風姐揚起嘴角，對小嵐道：「咁。。。你加油喇！哈哈哈哈。」
之後，風姐轉身，笑住咁走去。
小嵐完全定住，好似石化咗咁。
我拉住小嵐手臂，道：
「唔駛驚！照我計劃咁做！冇野嘅！」
小嵐抬頭望我，又係一雙楚楚可憐嘅眼眸。
「嗯！多謝你呀！阿邦，如果今次冇事，你以後有咩要求，我都應承你！」
「好！」
屌！咪諗咸濕野住，做咗正經野先！
到咗房門口，我將我常用嘅黑色眼罩，交畀小嵐。
然後，我再打通小嵐嘅電話，小嵐將電話維持住通話狀態。
咁樣，小嵐入去之後，我就可以從電話，聽到個黑超佬講乜。
萬事俱備了，我道。
「好啦，小嵐！你入去啦。記住！照我說話咁做！」
「嗯，我明架喇。。。 阿邦呀？你肯定咁做？？？」
「係！信我！」
「好啦。。。」
小嵐戰戰競競地打開門。
我都開始緊張起上黎。
我靠在門邊，攞起手機，聽入面嘅情況。。。
小嵐：「客人。。。你好呀。我係小嵐，好開心。。。為你服務。」
然後，我聽到一下床聲，應該係黑超佢喺床上另轉身。
黑超：「吓？乜又係你呀？上次叫你做少少野都唔得！你仲黎做乜鳩呀？」
小嵐強裝鎮定，道：「唔會架喇，今次，我會配合你架喇！」
黑超：「哼，係咩？啱先，聽你個經理講，話你唔可以再畀客投訴，係唔係呀？」
仆你個街！風姐連依樣都同黑超怪講！
咁黑超佢，就可以用“唔投訴”黎做條件，威脅小嵐。
咁小嵐，就唯有聽晒佢話。。。
風姐，你條死臭閪！好撚陰毒！
小嵐：「嗯。。。係呀。。。」
黑超：「哼，咁就好喇！咁你過黎啦。。。」
小嵐：「客人呀，不如你戴咗個眼罩先吖。」
我記得聽啲專家講過。
被虐狂，多數鍾意不停咁，探究一啲前所未有嘅刺激。
所以，如果叫黑超戴眼罩，佢應該會想試下。
黑超：「吓？眼罩呀？」
小嵐：「係呀。。。會緊張刺激啲架。。。」
黑超：「唔。。。但係好似。。。」
小嵐：「戴啦。你戴咗，我會落力啲。」
黑超：「咁。。。好啦！」
小嵐：「Yes！」
傻妹！唔好咁興奮呀。。。
然後，一會沒聲，應該係黑超戴緊眼罩。
黑超：「好！戴好喇！」
小嵐：「客人呀。。。今日戴咗。。。手扣黎喎？」
黑超：「係呀！」
小嵐：「咁我幫你戴起佢吖。」
我忍唔住踎底身，從玻璃窗望入去。
赤裸上身嘅黑超，真係已經戴咗眼罩，而且，小嵐正幫佢，將雙手，扣在他身後。
咁樣，黑超就又睇唔到，又除唔到眼罩喇！！！
計劃好成功呀！！！！！
等到小嵐幫佢扣好後，我靜靜地，zip咗入去。
點知黑超即刻有反應！
「做咩開門呀？！」
我睜大眼，望住小嵐，無奈我又完全唔可以出聲。
小嵐：「哎。。。冇呀，啱先有隻烏蠅，我開下門，趕佢走咋嘛。」
黑超；「哦。。。咁，開始啦！」
哈哈哈哈！！！
好呀！開始啦！！！！！
你條變態仔！！！
咁鍾意畀人鞭？？？！！！
今日就等我鞭到你，仆街冚家產！！！！
哈哈哈哈。。。
咦，咪住，皮鞭呢？唔見嘅？