被一個師姐收養咗【愛情】【校園】【武俠】: 第十七頁：日常平凡生活－日常篇

靖嵐抱住個枕頭坐係個梳化。
佢叫我陪佢煲韓劇。「嚇 男主角又癌症復發呀...」做乜韓劇都係咁。靖嵐：「橋唔怕舊 最緊要受～」咁又係，你哋鍾意咪得囉......

「咁你有冇中意嘅人？」靖嵐：「做咩？想追我呀？」「唔係 問吓啫」靖嵐：「咁又冇嘅～但 如果係你嘅話都可以考慮吓㗎～」「痴痴痴....痴線@！#%」靖嵐：「唔通你怕羞？」「唔識啦 瞓啦」之後就行咗入房訓

外面－靖嵐
「如果係你嘅話 我真係可以考慮㗎～」

第二日
我自從冇錢之後，成班都冇點樣show過我。加上靖嵐嘅關係，甚至有男同學仇視我。lunch都唔敢同靖嵐去食，所以都係自己食，或者同家川食。





lunch time
允寧走咗嚟我班房門口叫咗我出去「做咩呀？」允寧：「同我出去食飯」「初中唔係要係學校食嘅咩」允寧：「個飯商今日出咗啲意外 送唔到啲返過嚟 所以我哋就有得出去食」

「家川呢？」允寧：「都係學生會處理緊上次果單野 所以食飯盒」呢個就係點解我經常要自己食飯嘅原因「咁你啲朋友呢？」允寧：「佢哋成班一齊 我唔中意咁多人」「唉 咁好啦」

所以我就同允寧去食lunch
因為今日初中同高中都可以出嚟食飯，成個商場塞爆曬人。允寧：「好多人. . .」不過我知道有條路可以去咩學生知道而又好多餐廳嘅地方，而且又唔遠。

允寧：「呢度真係少好多人～學校啲飯真係食厭晒」對比起喺餐廳食飯，以前屋企廚師煮啲飯仲好食。





允寧：「係喎 靖嵐姐話過帶你去搵佢個師伯提升你嘅實力 點啊～」「幾好吖～就好似打機課咗金咁」允寧：「咁就要睇你課咗幾多啦～」

「我感到好似雷緊你哋. . .」允寧：「唉～唔使在意呢啲嘅～一個團體 每個人嘅實力梗係有高有低～而且你都唔係好渣啫」「每次都係你地三個救我. . .」允寧：「問題係 你冇自信～你有能力 但係唔敢用出嚟 下次行動嗰陣 試吓放個膽出嚟～」

［返去］
「好啦 我返班房啦～」允寧：「嗯～」我轉身離開，佢哋有兩個朋友走咗佢隔離。朋友甲：「允寧～ 矣！你男朋友呀？」允寧：「唔係呀」朋友乙：「怕羞啦～」

待續