被一個師姐收養咗【愛情】【校園】【武俠】: 第五頁：真心比不上金－失意篇

［whatsapp－家川］
家川：「hay～」
志康：「咩？」
家川：「你屋企出咗事喎 冇事吖嘛？」
志康：「冇事～慢慢都習慣啦～」
家川：「冇事最好啦 但係...」
志康：「？」
家川：［相］（詠儀同一個男仔拖住手出街嘅偷拍相）
家川：「吾講可能舒服啲 但呃你好似仲更加殘忍...」
志康：「. . .」





吾會嘅～詠儀話過就算我冇錢，都會同我一齊，咁好嘅女仔點去背叛我～應該誤會嚟嘅啫～身為佢男朋友應該相信佢～

過兩日佢生日，我依家應該諗下點同佢慶祝。我以前都係送戒指丶頸鏈丶耳環丶鑽石嗰啲，依家冇呢個能力，咁應該送咩好？
.
.
.
靖嵐：「應該送咩？」「係呀～」靖嵐：「呢個唔係重點囉～心意最緊要～」「咁應該點？」靖嵐：「試下整個公仔被佢囉～」「我吾識喎. . .」 靖嵐：「我教你～」

之後




靖嵐：「睇住手呀」「oh shit！」靖嵐：「又吉到...」十隻手指都吉損晒咁滯，黐晒膠布。仲通咗幾日宵。靖嵐：「唔好咁夜呀～早啲瞓呀」「得啦～」

到咗詠儀生日嗰日放學
我拎出隻熊「送俾你～生日快樂～」，詠儀冇咩表情：「嚇？哦 多謝～」「你唔中意呀？」詠儀：「唔係～好中意」「一陣有冇時間？同你食飯吖～」詠儀：「唔得呀～約咗屋企人」

始終屋企人都重要，下次囉～「咁 好啦 生日快樂啦～」我轉身離開大約50米左右，唔係喎，約聽日咪得囉～轉身行過去，去到最近嗰個垃圾桶，係我俾佢隻熊......

點解會係度......一定佢咁啱放喺度唔記得拎走，個傻妹真係～拎起隻熊，正諗住行去頭先佢離開嘅方向，見到佢同之前張相嘅男仔，兩個互相攬住，之後嘴埋...男仔拎出一個盒，入面係一條鑽石鏈

拎住隻公仔，好急咁樣向相反方向離開咗......望住我手上嘅公仔。熊仔，人地者吾要你啦，你仲跟過嚟。吾好咁傻啦，我將個公仔放喺個垃圾桶個頂就返咗去。





待續