在妳的空間徘徊: 變態妹

「嘉維，好凍呀！較細個冷氣俾我出黎丫，Thanks！」

「下，夏天黎架。」

「咁人地怕凍嘛，唔該你丫。」

「怕左你。」

我 - 潘嘉維，㪫捷網絡推廣公司的Art Director，而係浴室叫出黎的是我女朋友 - 林子柔，㪫捷sale team的包尾大班。





「變態妹，沖得咁快，乾唔乾淨架？」當子柔依在我身邊時，我感覺到她一身冰冷。

「梗係乾淨啦，人地好凍，抱實我丫！」我都未聽完整句句子，她已經成隻樹熊咁攬著我。

「你攪乜黎？」面對子柔這個不按牌理出牌的人，我經常摸不著頭腦，她的行為亦不時令我很頭痛，試問大熱天時，一個剛沖完涼的人怎會好似冰一樣凍呢？

「我都話我係冰女托世，黎為你喱個火爐降溫架，人地講左好多次啦！」子柔用她因冷而變得蒼白的小咀吐出這種小學生也不相信的胡扯。

「低b, 你廿五歲啦，咪好似5歲咁低b啦！」子柔只是吐吐舌，我看到她這個表情，就知道在這個話題上再糾纏下去，她都只會繼續胡扯。





「咁大叔，你陪低b妹睇Batman好唔好？」她果然把話題扯開。

「咁舊！」我有收集影碟的習慣，應該話我有收集癮，而影碟是其中一個我收集項目。我還喜歡收集Figure、牛仔褲、漫畫書及Snoopy產品。

「咁你想睇咩？」

「你揀，Batman囉！」家中每一隻影碟我往往在買回來的一天就看，選哪一套對我根本無分別，當中有我覺得值得一看再看的，但往往不是子柔的菜，以免傷惱筋Batman就 Batman，我賴在梳化上好過。

「人地都唔知你放係邊格，入黎幫手啦！」結果投降都只是輸一半，我唯有不情不願地入房幫手。





經過飾櫃時，望到初戀女友送我的Snoopy相框，不期然把她和子柔比起來，其實子柔真的適合我嗎？我應該放棄還是繼續和她磨合呢？

結果，接著的三個月，不要說磨合，我和她連見面都很少。