[重口味][重甜愛情]三人世界: 第四十四回 冷暖人間

第四十四回 冷暖人間

正當望住火光燒著包炭既時候,
我聽到房外轉呢幾下撞門聲,
係邊個係到撞門?

我啱啱先開始燒,無理由咁快有人聞到味架.
但係佢係咁拍門,係到嘈住晒,真係連比我靜靜地走都唔得.

我走去門口,打開門一睇,


見到有個細路女企係我門前,
[細路,妳係到做乜?]
唔知係唔係我個死樣真係咁得人驚,
佢望住我呆咗,好似好驚想喊咁樣.

[媽....媽咪.]
個細路叫咗聲,之後有個女人係大門口走返入呢,
佢望住我講.
[唔好意思,嘈住你,我唔記得攞鎖匙,現在去搵開鎖佬上呢.]
我望一望佢,再望一望對門.


呢D門鎖,邊洗搵開鎖佬.

[妳等我一陣.]
之後我係銀包攞咗將員工證出呢,
行去佢對門鎖到,張卡一插入門罅,一野就開咗對門.
[得啦.]

佢兩母女見到我咁輕易開咗對門呆咗望住我.

[唔...該晒.]



[媽咪....乜野味?]

[好似係燒焦野既味...]

[啊呀!!你間房....]
我呢個時候先記得包炭重燒緊.
嗱嗱聲走返入屋,
一入去見到個鐵筒火光紅紅.

個女人係門口見到咁即刻係廚房攞盤水過呢幫我淋熄D炭,
之後佢走去開番D窗.
今次到我呆咗係到.

[我....出返去先.]


我諗佢已經知我係到做乜.
唉....連自殺都唔得,
我執好D野,訓係到望住個天花板,
其實我重係好掛住May,唔知佢現在點?
如果May無唔要個BB,可能同剛才個細路女差唔多大.
我又係到諗乜野,
算啦,都過咗去啦重諗呢做乜呀.
不知不覺間訓著咗,

訓訓下又聽到敲門聲,
當我走去開門事,見到剛才個細路女.
佢手上攞住一個保溫壺.

[叔叔,媽咪叫我攞比你話多謝你幫我地開鎖.]
我接過佢手上個保溫盒壺佢就轉身走.


[妳叫乜野名呀?]

[老師話,唔好亂講自己個名比陌生人知呀.]
乜現在D細路咁醒目.
見佢行到門口走咗出去,
跟住又裝個頭入呢對住我講.
[見你幫我媽咪開門,應該都唔係壞人,我叫小月.]
之後佢又走返入自己房.

我打開手上面個保溫壺,入面係一碗湯,
已經好多年無飲過住家湯水.

一碗簡簡單單的湯,
令我想起好多往事,
除咗亞媽,Ivy,May,甚至敏姐,


佢地都有煲過湯比我飲.
現在佢地通通唔係我身邊. 

一邊飲湯一邊眼淚忍唔住滴落呢,
百般滋味在心頭.

當飲完呢一碗湯,抹乾眼淚,
將保溫壺攞返過去還比佢地.
我敲一敲門,等咗一陣,係小月媽味開門.
[多謝妳D湯.]

[唔洗客氣.]

[咁...唔阻妳地.]
還反個保溫壺比佢我就轉身走.



[你....無事丫嗎.]