[重口味][重甜愛情]三人世界: 第四十一回 毀滅證據

第四十一回 毀滅證據

[咳~~咳~~咳~~]
唔知暈咗幾耐我好似又醒返,
但係意識好模糊.

我見到個天,依然好黑,
有一隻好溫暖好柔軟既手捉實我隻手,
我聽到May係到喊,佢D眼淚一滴一滴咁滴落我面上.



我乜都諗唔到,只係覺得全身無力個身好凍,不停咁震.
然後May揇實我,僕係我身上面大喊.
我感覺到佢溫暖既身體.

[華!!華!!你醒吓!!]
我又再聽到May把聲,係佢叫我.
我張開眼,見佢兩隻眼喊到紅晒.
[May….妳無事丫嗎?]

[無事....]



[無事就好啦....]

[妳救我上嚟?]
May點點頭.
我睇到佢雙手重係比繩綁實.
隻腳D繩就被刀界斷咗,應該係剛才條仆街比我捉實時跌咗把刀係May身邊.

我立即攞起把刀幫佢手上面既繩都界斷.
[條仆街呢?]


May搖搖頭,
我用力撐起身,我望去海面乜都無.
睇呢我真係殺咗人,呢次大鑊.

May講:[我地現在報警.]

[唔得,我行過古惑,佢係有錢仔,搵鬼信我自衛殺人.]

[而且我唔可以坐監,我唔會行妳朋友條舊路.]

[但係你殺咗人呀.]

[留佢呢D人係呢個世界只會害更多人.]

[咁,我地現在點算,又唔報得驚.]



[現在重有時間,我地要清理現場.]

[妳...先著返衫先.]
係呀,May現在都重係全裸....
我立即用水沖走船上面既血跡,
將甲板上的雜物一件不留全部帶走.
所有野放回原本既地方,做到只有明少一人係到飲酒一樣.
製造一個佢唔少心跌咗落海既假像.

當清理完所有野之後,我望住May.

[我地點嚟就要點返去.]

[咁啫係點?]



[個水泡重係船尾,我地用水泡游返上岸.]

[但係你現在咁樣狀態,我驚你有事.]

[唔得都要得.]

[May,妳搵多一個垃圾膠袋將妳D乾身衫放入去.]
結果May又再一絲不掛.
我令轉身無望實佢,佢係我身後拖實我.

[準備好未?]

[唔.]
我地一齊跳落水.


海水依然冰冷,我個身又再震過,今次重凍過我呢嗰時,
我凍都口都震埋,點都要撐到返上岸.

May知我唔識游水佢一直拖實我游,
我游咗一半已經無力再游,係May一直拉實我.
佢一直同我講:[華,就到啦,你頂住呀.]

終於我撐到上岸,上到碼頭一個人都無,
我同May立即跑去車到開行暖氣.

但係我凍到無晒知覺,May除咗我身上濕晒既衫.
佢連衫都唔著,立即揇實我,
佢知道如果我再訓底可能以後都唔會再起身.
佢不停用手捽曖我D手腳.
我只係感到佢身體好曖,我開始有返知覺.



當我清醒少少時我想去開車,但我依舊無力.
我開始覺得現在好熱,我個頭好痛,天旋地轉,
我又訓返係車位到郁唔到.

迷迷糊糊間我見到May著返衫坐咗係司機位,
佢話要送我去醫院.
我即刻同佢講:[唔好呀,妳揸去油麻地...]

我只係記得我講完個地址我就暈咗.
到我醒返時係一間好細好舊既房入面.
我見到May僕係我身上面訓著咗,佢一直捉實我隻手無放過.

[我係邊?]
May聽到我把聲即刻起身.
跟住有人走咗入呢.