[重口味][重甜愛情]三人世界: 第二十四回 新形象

第二十四回 新形象

行古惑咁耐,突然間話要轉行真係唔易.
成個星期都係到揾工,
可能我陣古惑仔除太勁.

個個見到我一頭金髮又紋晒身,都係叫我番屋企等消息.
去見地盤都又話要有技能先請,去見餐廳又話要有經驗.
有D直頭話唔請.



睇呢要改變下形象,
明天去見一份做倉,執一執個Look先.
落去樓下15分鐘剪髮.
[先生,想點剪.]

[最短嗰隻.]

[咁頭頂就咁修少少?]

[唔係,都係最短嗰隻.]



[吓,咁你D金色會無晒架喎?]

[我就係要咁.]
結果15分鐘後一個skinhead頭既亞華以新形象見人.
柒就柒咗D,無法啦,要洗底係咁架啦.

我重特登send張相比佢地兩姊妹睇.
雖然話唔見啫,但係無話唔可以WS丫.



到咗第二日,我準時去到葵涌間公司到,呢間野都幾大下.
今日醒目,著見長袖衫去見工,廢事比人印像咁差啦.

填完一堆野之後人事部個女仔就戴咗我入去一間細房.
佢話主管過緊呢叫我等一等.

等咗一陣門一開,見都有個肥娑入呢,手上攞住D文件.
佢望一望我就無再理我.

唉~~果然乜野公司請乜野人,做倉D主管級都要有番咁上下身形.
佢好似無乜野想問我咁.正當我想開口之際,
突然間房門打開咗.有位外表成熟既靚女同肥婆講
[唔好意思呀,遲咗小小.]

肥婆講:[敏姐,妳要d文件係到啦.]講完之後佢又行返出去.



[你好!我係倉務部主管.]
原來呢位靚女先係主管,佢細細粒,束起馬尾,
睇樣都應該年過三十,不過保養得唔錯.
呢類半熟女都有個特徵,就係好有女人味同大波,
見佢對奶係貼住張檯放係上面咁你就知唔野少.

佢當然遠遠及唔上May啦,但係正所謂萬綠叢中一點紅,
係D咁既公司都有咁既質素都可以話係奇蹟.
仆街啦,我D熟女控又爆出呢.

[你好呀.]

[我地工作其實好簡單,做倉都係管理D貨,全體力努動,所以會好辛苦.]



[呢樣我知.]

[你呢到寫你以前做農場?]

[係呀.....]

[咁呢份工對你呢講應該無問題啦?]

[無...]

[好,咁你幾時返得工?]

[幾時都得.]

[咁就星期一.]



[好.]

[我叫亞敏,大家都叫我做敏姐,以後係到做野比D心機.]

[哦...]

[係呢,今日成三十度,你做乜著長袖衫?]

[因為...]

[你有紋身?]
又無攪撚錯呀,咁都估中.

[你放心喎,我地公司唔介意呢D野架.]


就係呢個時候又有人開門.

[敏組,有份文件等你簽名.]
講野呢個男人,成個頭好似悟空變超藍咁,
塊面好多環,重有佢紋身起碼比我多幾倍.
仆街丫,早知我就唔剪頭髮啦.

[你無問題,咁星期一見.]

[好,咁星期一見....]