[重口味][重甜愛情]三人世界: 第二十二回 謊話

第二十二回 謊話

[終於搵到妳啦.]
Ivy無出聲,佢只係攪實我大聲喊.

我亦只可以緊緊抱實佢.
[到底發生乜野事呀?]

[係我害咗.....家姐.]
原來係因為遊船河單野.



[依家無事啦...]
我只可以不停安慰佢,突然Ivy推開我.

原來May已經趕到,佢兩個望住對方.
May衝過去攬實Ivy,一邊喊,一邊講.
[妹.....妳唔好嬲家姐,家姐唔想呃妳.]

聽到呢句Ivy喊得更大聲.



[家姐.....對唔住.]
結果佢兩個攬住喊咗好耐.

等佢地情緒平靜返之後.
[好啦,兩個都唔好再喊啦,我送妳地番屋企先.]

May過去拖實Ivy,今次佢兩姊妹坐後座.
一路上大家都好靜,返到屋企我地三個企咗係門口.

May望住我.


[華,多謝你幫我搵番個妹.]

[唔洗客氣,我應該.]

May,跟住講.
[華,你係唔係真係好愛我個妹.]

[係.]

[我唔再反對你地一齊.]

Ivy聽到當然好開心啦
[家姐!!]

[唔得,我重未得.]


對於我呢個答覆,佢地都好愕然.

[吓!!]

[我講過既野一定算數,我會轉行,我一日未離開以前既圈子,我都唔會同Ivy一齊.]

Ivy問:[華,家姐,發生乜野事呀.]

May捉實Ivy隻手,拍一拍佢手背講:[我遲D同妳解釋.]

[華,你知呢一關好難過.]

[我知,妳比半年時間我,半年後我一定會用另一個身份返呢.]

[好,你有信心就得.]



Ivy依舊一臉茫然咁.
我走去捉實佢對手同佢講.

[Ivy,如果我同妳一齊,以我現在既生活圈子遲早再出事,
我唔想再有呢D事發生,所以我先要改變,妳明唔明?]

見佢流住兩行眼淚點點頭表示明白.
[妳都係,唔好再接觸嗰班人,知唔知?]
佢又再點頭.

[Ivy,妳會唔會等我?]

[會...我會等你.]
我係佢額頭上錫咗一啖我就轉身離開.



一路聽住Ivy喊聲一路行,
我自己D眼淚都一滴一滴咁流過不停.

又揸住架車唔知去咗邊停底咗.
到底佢兩個發生乜野事?
May呃咗Ivy乜野?唔通佢係船河比幾條仆街強姦咗!?
呢幾日真係好攰,不知不覺係車上面訓著咗.